Opozita mbetet pa “opozitë”, të vegjlit braktisin Bashën

113 563 lexime

106,048FansaPëlqeje

Kryetarët e partive të vogla që garuan nën siglën e Partisë Demokratike në zgjedhjet e 25 prillit janë bërë bashkë për të formuar grupin parlamentar në Kuvendin e Shqipërisë.

Partia Demokratike për të maksimalizuar votat futi në listën e saj për deputetë në zgjedhjet e 25 prillit edhe emrat kryesish të kryetarëve të partive që ishin në opozitë. Agron Duka, kreu i Partisë Agreare Ambientaliste, Fatmir Mediu i Partisë Republikane, Dashamir Shehi i LZHK-së, kreu i PBDNJ Vangjel Dule, si dhe PDIU Shëptim Idrizi fituan mandatet nëpërmjet marrëveshjes me Bashën, duke garuar nën siglën e Partisë Demokratike. Opozita brenda opozitës do të krijojnë grupin e tyre parlamentar, pasi rregullorja e kërkon që grupi krijohet me më shumë se 7 deputetë. Parimisht dakord janë pjesa me e madhe e aleateve, përveç kreut të PDIU-së, Shpëtim Idrizi, që nuk ia ka konfirmuar ende nëse do bashkohet me aleatët e tjerë për një grup parlamentar. Për të formuar një grup parlamentar, sipas Rregullores së Kuvendit duhet që të jenë të paktën 7 deputetë. Përveç Dashamir Shehit, Agron Dukës dhe Vangjel Dules të cilët janë të vetmit që kanë marrë mandatet e deputetit nga radhët e forcave të tyre politike, në zgjedhjet e 25 Prillit, me logon e Partisë Republikane, por në listën e PD-Aleanca për Ndryshim dolën tre deputetë: një në Tiranë që ishte Mediu dhe dy në Lezhë; Elda Hoti që mori mandatin e Mark Markut dhe Lindita Metalija. Sa i përket Partisë për Drejtësi, Integrim dhe Unitet duhet thënë se dhe ajo mori 3 mandatee nga listat e opozitës, dy në Tiranë Shpëtim Idrizi dhe Mesila Doda si dhe një në Qarkun e Fierit. Duhet nënvizuar se sipas rregullores së Kuvendit edhe Lëvizja Socialiste për Integrim nuk mund të bëjë një grup parlamentar pasi mori vetëm 4 mandate nga 7 që duhen për të pasur grupin e vet parlamentar. Ende nuk ka asnjë informacion për lëvizjet e LSI-së në këtë drejtim. Këto lëvizje të partive të tjera opozitare në vend vijnë kur Lulzim Basha dhe Partia Demokratike gjenden në një udhëkryq pasi janë vendosur nën një presion shumë të madh nga Shtetet e Bashkuara të Amerikës për të larguar Sali Berishën nga grupi parlamentar pas shpalljes së tij ‘non grata’.


Të fundit

Opozita mbetet pa “opozitë”, të vegjlit braktisin Bashën

Kryetarët e partive të vogla që garuan nën siglën e Partisë Demokratike në zgjedhjet e 25 prillit janë bërë...

BE njeh certifikatën e vaksinimit, studentët të detyruar të vaksinohen

Kryeministri Edi Rama u shpreh se studentët janë të detyruar të vaksinohen nëse do të ndjekin mësimet në auditore. Në një inspektim në qendrën...

Kim shtyn SPAK-un: Ndiqni korrupsionin e të mëdhenjve

Shefja e diplomacisë amerikane në Tiranë, Yuri Kim, ka takuar kreun e SPAK për luftën ndaj korrupsionit. Ajo i ka kërkuar Krajës që të...

Horoskopi ditor, 9 shtator 2021

Dashi Do të kënaqeni shumë këtë javë nëse çliroheni nga pengesat që ju kanë mbajtur peng. Flisni dhe veproni si ta ndjeni. Mos u shqetësoni...

Lajme të tjera

Web TV