Për shkak të vonesave të shkaktuara nga sistemi i ri i identifikimit biometrik, Komisioni Shtetëror Zgjedhor (KSHZ)në Maqedoninë e Veriut ka vendosur se të gjithë ata votues që do të jenë në oborret apo korridoret e vendvotimeve, do të lejohen të votojnë edhe pas orës 19:00.
Kryetari i KSHZ-së, Aleksandar Dashtevski theksoi se radhët e gjata po ndodhin për shkak se lista zgjedhore ka më shumë fletë se nga zgjedhjet e kaluara, andaj po ndodhin vonesat e verifikimit, vonesat me aparatet “fingerprint” që po ndodhin probleme me identifikimin, si dhe shkaku i masave kundër koronavirusit, përcjell INA.
