Ai është i famshëm si aktor, dhe djali i një aktori tjetër po aq të famshwm. Quhet Majkëll Dagllas (Michael Douglas) Dhe babai i tij, që skaliti si askush figurën e Spartakut gladiator e kryengritës, Kirk Dagllas…
…U lind më 25 shtator 1944, në New Brunswick, një qytet në New Jersey. Ai është djali i aktores bermudiane Diana Dill, dhe aktorit Kirk Doagllas. Studioi në Allen-Stevenson; në vitin 1960 ndoqi shkollën Eaglebrook dhe u diplomua 19 vjeç.
Në gjurmët e babait
Dëshiron të ndjekë gjurmët e të atit. U transferua në Santa Barbara, ku u regjistrua në universitet. Brenda kampusit takohet me Danny De Vito, i cili bëhet shoku i tij i dhomës. Në vitin 1966 merr një diplomë në artin dramatik. Pas studimeve ai vendosi të transferohet në New York, për t’iu përkushtuar aktrimit. Është një aktor premtues dhe regjisori Melville Shavelson e bën atë të debutojë në dramën “Luftëtarët e natës”. Pas disa vite paraqitjesh dhe praktikash, në vitin 1969, falë performancës së tij në filmin “Përshëndetje, hero!”, aktori i ri merr mirënjohjet e para nga publiku dhe kritikët që e nominojnë atë te “Golden Globe”. Më 1972 Michael Douglas pranoi një rol kryesor aktori në serialin detektiv “Rrugët e San Francisko-s”.
Shpirti i një sipërmarrësi
Përveç një aktor i mirë, Michael Douglas ka edhe një shpirt sipërmarrës. Me të ardhurat e marra nga “Rrugët e San Francisko” ai filloi karrierën si producent filmi. Hapi studion e tij të prodhimit: “Big Stick Productions” më 1975 investoi në filmin që fitoi Oskarin për filmin më të mirë, “Dikush fluturoi në folenë e qyqes”, interpretuar ndër të tjera nga Danny DeVito dhe Jack Nicholson.
U martua me Diandra Luker, gjithashtu një producente, më 20 mars 1977. Vitin e ardhshëm ai luajti në filmin “Coma Profondo” si Dr. Mark Bellows; atëherë lindi djali i tij, Cameron Douglas. Më 1979 ai arriti sukses me performancën e tij në filmin “Sindromi kinez” përkrah Jack Lemmon dhe Jane Fonda. Pastaj, pati një aksident të rëndë ndërsa skijonte.
Suksesi kinemaktografik
Rikthimi i tij në ekranin e madh bëhet me mikun e tij të vjetër Danny DeVito. Me të dhe me aktoren Kathleen Turner, në 1984, luajti filmin aventuresk “Në ndjekje të gurit të gjelbër”. Filmi pati sukses, kështu që vitin tjetër kasti konfirmohet për prodhimin e vazhdimit: “Stolia e Nilos”. Dy vjet më vonë Michael Douglas luajti me Gleenn Close si pjesë në filmin “Fatal Attraction”, një film që e bën atë një simbol seksi. Në të njëjtin vit, me regji nga Oliver Stone, luan rolin që e shenjtëron në Olimpin e aktorëve më të mirë të Hollivudit; performanca e tij si Gordon Gekko në filmin “Wall Street” fitoi atë “Oskar” për aktorin më të mirë, një “Golden Globe”, një “David di Donatello” dhe çmime të tjera. Në vitin 1989 ai e zgjeroi kompaninë e tij të prodhimit. Punoi për një film të drejtuar nga Ridley Scott “Shi i zi – Shi i ndyrë” dhe në “Lufta e trëndafilave”, ku reformoi treshen me Danny DeVito e Kathleen Turner: nominim i mëtejshëm në “Golden Globe-s”.
Nën efektin e alkoolit
Suksesi dhe alkooli nuk i ndahen. Ai është i detyruar në një periudhë tjetër të largimit nga skenat për t’u detoksikuar. Kthehet në vitin 1992 kur interpreton përkrah një bombe tjetër seksi, Sharon Stone, në filmin: “Basic Instinct”. Vlen të përmendet më 1993 ishte “Një ditë e marrëzisë së zakonshme” së bashku me Robert Duvall. Në 1997 ai luajti me Sean Penn në “The Game – No Rule”, duke prodhuar “Face / Off”, duke interpretuar me çiftin John Travolta dhe Nicolas Cage dhe “The Man of the Rain” me Matt Damon dhe Danny De Vito, me regji të Francis Ford Coppola. 1998 është viti i xhirimit të “Krimit të përsosur” në shoqërinë e aktores së bukur amerikane Gwyneth Paltrow. Në verën e të njëjtit vit, ai u njoh me aktoren Catherine Zeta-Jones në Francë. Michael bie në dashuri me të. Në të njëjtin vit ai mori një nominim Emmy për pjesëmarrjen e tij në serialin televiziv “Will & Grace”.
“Lajmëtari i paqes”
Themeloi një organizatë jofitimprurëse “Fondacioni Michael Douglas” i cili vendosi vetë qëllime të ndryshme humanitare: nga çarmatimi bërthamor deri te ruajtja e ekosistemit të planetit. Falë kësaj, Kofi Annan, sekretari i Kombeve të Bashkuara, e emëron atë “lajmëtar të paqes”. Në këtë periudhë ai preferon të organizojë turne golfi me një sfond të dobishëm. Në vitin 2000 ndahet nga gruaja dhe martohet me Catherine Zeta-Jones. Dylan Michael Douglas lindi nga ky bashkim.
U rikthye të aktrojë në vitin 2003, me një rol në serialin “Liria – një histori prej nesh”, ku luajti me Anthony Hopkins, Brad Pitt, Michael Caine, Susan Sarandon, Kevin Spacey, Tom Hanks, Glenn Close dhe Samuel L. Jackson. Me babanë e tij Kirk, nënën dhe djalin e tij Cameron më pas luan një rol në filmin “Vice Vice Family”. Më 20 prill çifti Douglas / Zeta-Jones ka një trashëgimtar tjetër: Carys Zeta. Në vitin 2009 rikthehet me Danny DeVito e Susan Sarandon në filmin “Njeriu i vetëm”. Më 16 gusht 2010, u dha lajmi se Douglas vuante nga kanceri në fyt dhe po bënte terapi me bazë rrezatimi. Pas rreth 6 muajsh kimio e radioterapie, në fillim të 2011-s, pretendoi se ishte rekuperuar.
Së fundmi
Në vitin 2013, për portretizimin e tij të Liberace në filmin “HBO Behind the Candelabra”, ai fitoi Çmimin “Emmy Primetime” për Aktorin Kryesor të Jashtëzakonshëm në një miniserial ose një film. Douglas luajti në serinë komike të Chuck Lorre The Method Kominsky nga 2018 deri në 2021, për të cilën ai fitoi Çmimin “Golden Globe” për Aktorin më të Mirë – Seritë Televizive Muzikore ose Komedi, dhe në serialin Netflix “Green Eggs and Ham”.
Ai ka portretizuar Dr Hank Pym në “Marvel Cinematic Universe”, duke u shfaqur në Ant-Man (2015), Ant-Man and the Wasp (2018), dhe Avengers: Endgame (2019), dhe ai përsëri do të përsërisë rolin e tij në filmin e ardhshëm “Ant-Man and the Wasp: Quantumania” (2023).
