Abuzimi ndaj 6-vjeçares në Kamëz nga i ati 27-vjeçar ka tronditur mbarë opinionin publik. Së fundmi ekspertiza mjeko-ligjore ka zbuluar shenja të shumta në trupin e të miturës si dhe dëmtime në organin gjenital.
Megjithatë ende nuk është konfirmuar nëse 6-vjeçarja është abuzuar seksualisht nga i ati.
Fax raporton se 27-vjeçari Raimond Kunoraj ka mohuar në mënyrë të prerë që të ketë abuzuar seksualisht me vajzën e tij, në dëshminë e dhënë para oficerëve të policisë.
Ai ka pranuar se ka ushtruar dhunë fizike ndaj vajzës së tij, por nuk ka pranuar se ka abuzuar seksualisht me të.
Aktualisht ai ndodhet në burg dhe ditën e nesërme pritet që Gjykata Tiranës të vendosë nëse do e lirojë apo do e lërë në qeli. Nesër po ashtu do të paraqitet edhe dëshmia e të miturës.
