Kancelarja e Gjermanisë Angela Merkel u largua nga ky post pas 16 vitesh. Sot ish-kryeministri Berisha i ka kushtuar një dedikim në Facebook, duke e falenderuar atë për gjithçka ka bërë për Shqipërinë.
Berisha është shprehur mjaft mirënjohës ndaj Merkel-it, ndërkohë që komentuesit kanë shpërthyer në komente negative, duke i shkruar se Merkel punoi në interes të vendit ndryshe nga ai që punoi për interesa personale.
Komentuesit duken mjaft të zhgënjyer me ish-kryeministrin, pasi një tjetër shkruan se Berisha mbahet mend vetëm për korrupsion dhe krime si nga Shqipëria edhe nga Amerika, dhe e pyet se kur do e dorëzojë mandatin.
Një tjetër komentues i kërkon Berishës të nxjerrë fotot me Enver Hoxhën dhe e quan “bukë shkelur” ndaj ish-diktatorit.