Detaje të reja janë zbardhur në lidhje me zbulimin e një shtëpie bari në Durrës. Në një apartament në katin e dytë të një pallati janë zbuluar ambiente të përshtatura për kultivim të kanabisit me anë të llambave.
Ismail Aliaj kishte kthyer apartamentin e marrë me qira në një shtëpi bari ku policia ka sekuestruar 2 kg lëndë e dyshuar cannabis sativa e tharë, e bërë gati për shitje, 110 vazo në të cilat ishin kultivuar fidanë të dyshuar cannabis sativa, 19 llamba dhe pajisje të tjera elektrike.
Mësohet se policia ka arritur të bjerë në gjurmët e kësaj shtëpie bari, pas harxhimit tej normales të energjisë elektrike në këtë apartament. Kanë qenë punonjësit e OSHEE ata që kanë shkuar disa herë në banesën e Aliajt por në asnjë moment nuk e kanë gjetur atë brenda shtëpisë. Pas kësaj ata kanë njoftuar policinë e cila pas marrjes së informcioneve dhe ndërhyrjes në shtëpi ka gjetur edhe laboratorin e kanabisit.
