Këtë të dielë është arrestuar një tjetër bashkëpunëtor i autorit të vrasjes së 66-vjeçarit Behar Sofia.
Gazetarja Dorjana Bezat raportoi për ‘BalkanWeb’ se i arrestuari, 45-vjeçari Bujar Leza nuk është emër i panjohur për policinë.
Leza kishte njohje me të arrestuarin tjetër si bashkëpunëtor Leonard Xhixha dhe së bashku kanë ruajtur lëvizjet e objektivit të sulmit Behar Sofia.
Ai ndodhej në burg për veprën penale ‘dhunë në familje’ dhe atje iu komunikua edhe masa e re.
Po ashtu në nëntor të 2014 kanë tentuar të vrasin një person, por ngjarja nuk u finalizua.
Edhe në atë kohë Bujar Leza u përgjigj para drejtësisë për këtë vepër penale.
Ndërkohë Behar Sofia është një emër i njohur i botës së krimit, pasi ishte i përshirë në trafikun e heroinës.
Për vrasjen e Sofisë më herët u arrestuan Ernejt Shyti, 24-vjeç dhe bashkëpunëtorët e tij, Skënder Vathi, Leonar Xhixha dhe Xhuljano Visha.
