Sfidat e mbrëmjes së djeshme në Champions League dhuruan spektakël dhe gola, ashtu siç i ka hije një mbrëmjeje europiane.
Prestigjozja “Marca” ka në fokus Griezmann dhe i referohet humbjes së Atleticos me Cityn duke shkruar: A mund ta besoni?
“AS” hapet me titullin: “Tani është radha e Metropolitanos”, për sfidën e kthimit ku Atletico do të luajë në shtëpi.
“Mundo Deportivo” për sfidën e djeshme shkruan se “Atletico ja beson gjithçka ndeshjes së kthimit në Metropolitano”, ndërsa më poshtë më në fokus është titulli “Araujo shumë afër rinovimit me Barcelonën”.
“Sport” flet për Robert Lewandowskin dhe zërat për një transferim të mundshëm të tijin tek Barcelona duke shkruar: Po afrohet!
“City Zen”, është titulli i “El Equipe” që u referohet ‘qytetarëve’ të Guardiolës për fitoren e rëndësishme dje në Etihad!
Ndërkohë mediat italiane kanë më së shumti në fokus merkaton e klubeve italiane ku La Gazetta dello Sport hapet me titullin: “Thirrni yllin e dytë” duke iu referuar rikthimit të Interit në luftën për titullin kampion. Më poshtë kjo gazetë shkruan po ashtu: Lukaku thirrje të vazhdueshme Interit për rikthim, ndërkohë që më poshtë paralajmërohet lamtumira e Ibrahimoviç nga Milani.
Corriere dello Sport ndërkohe shkruan se për Zaniolo është futur në garë edhe Napoli, ndërsa Tuttosport ka në fokus Pogba që dëshiron të rikthehet në Torino me titullin: “Juve, po të pres.”
