Së shpejti Tirana do të vijë me një risi në pastrimin e qytetit. Kryebashkiaku Erion Veliaj ka bërë me dije se kanë mbërritur makineritë e specializuara për vendosjen e kazanëve nëntokë.
Kjo mënyrë e vendosjes së kazanëve, Veliaj thotë se është me efikase pasi shmang erën e keqe të mbeturinave, por edhe zbrazjen e paautorizuar të koshave. Sipas tij, kjo është një eksperiencë implementuar në vendet e Bashkimit Europian.
“Sapo kanë mbërritur makineritë e specializuara për kazanët nëntokë. Si elita e qyteteve europiane, Tirana do t’i vendosë nëntoke pikat e mbeturinave në zonën qendrore e turistike te saj. Shmang erën, pamjen, zbrazjen e paautorizuar. Le ta mbajmë pastër shtëpinë tonë”, shkruan Veliaj.
