Katër të plagosur dhe një i vrarë, në të shtënat me armë më herët këtë mëngjes pranë ndërtesës së kapitolit të shtetit në Sacramento, sipas Departamentit të Policisë Sacramento.
Të shtënat ndodhën jashtë klubit të natës ‘Mix Downtown’ në ‘16th and L Streets’.
Një zëdhënës i policisë, oficeri Ryan Woo, tha se viktima e ndjerë është Greg Najee Grimes, 31 vjeç, i cili punonte si ndihmës trajner futbolli dhe mësues në shkollën e mesme Inderkum. Ai kishte një djalë.
“Ne duam që njerëzit të dinë se çfarë kanë humbur sot”, tha familja. “Një shok, një trajner, një mësues, një nip, një kushëri, një djalë dhe më e rëndësishmja një baba.”
Në Twitter, kryetrajneri i futbollit të Inderkum, Reginald Harris, konfirmoi humbjen, duke postuar foto të Gregut me futbollistët e shkollës dhe duke shkruar: “Sot Familja jonë ka pësuar një humbje të jashtëzakonshme. Ne bashkohemi teksa vajtojmë vdekjen e lojtarit, trajnerit, mentorit, djalit dhe babait Greg Grimes.”
Tre muaj më parë, një tjetër shkëmbim zjarri në qendër të qytetit të Sacramentos vrau gjashtë dhe plagosi 12.