Ministria e Brendshme ka reaguar pas sulmit kibernetik që u bë ndaj databazës së e-Albanias, ndërkohë që ka sqaruar qytetarët se aplikimet për të marrë karta dhe pasaporta do të behën fizikisht pranë sporteleve.
Ne reagimin për mediat Ministria e Brendshme thekson se shërbimet e domosdoshme do merren në pranë zyrave të Policisë së Shtetit dhe Gjendjes Civile, ndërsa theksohet se bllokimi i shërbimeve online do jetë momental deri sa te perfundojë kundërofensiva e AKSHIT dhe aleateve per te kthyer normalitetin.
Më tej shërbimet online ministria e Brendshme i cilëson një histori suksesi dhe se bllokimi është çështje momentale.
“Shërbimet qeveritare online janë një histori suksesi në Shqipëri pavarësisht ngërçit momental të krijuar prej sulmit kibernetik. Kërkojmë mirëkuptimin e qytetarëve për vështirësitë e krijuara”.
Njoftimi i plote i Ministrisë së Brendshme
Në vijim të komunikimit të mëparshëm të Ministrisë së Brendshme duam të theksojmë se njoftimi lidhet vetëm me shërbimet esenciale të Policisë së Shtetit dhe Gjendjes Civile të cilat do të ofrohen fizikisht pranë sporteleve përkatëse për qytetarët deri në përfundim të kundërsulmit.
Kjo është një situatë tërësisht e përkohshme e diktuar nga sulmi kibernetik i sinkronizuar jashtë Shqipërisë, për të cilin po kryhet një kundërofensivë nga AKSHI dhe aleatët tanë për t’u rikthyer në normalitet shumë shpejt.
Shërbimet qeveritare online janë një histori suksesi në Shqipëri pavarësisht ngërçit momental të krijuar prej sulmit kibernetik. Kërkojmë mirëkuptimin e qytetarëve për vështirësitë e krijuara.
