Edhe në ditën e sotme, mediat sportive janë fokusuar kryesisht tek fitorja e Barçës në ElClasico ndaj Real Madrid. Nga ana tjetër gazetat italiane shkruan për objektivat e fundit të merkatos nga klubet ‘Big’ të Seria A.
Ndjekim disa nga titujt kryesorë:
“Milan më jep numrin 10”, me këtë titull hapet “La Gazzetta dello Sport”. De Ketelaere kërkon numrin 10 para se të finalizoj transferimin e tij në Milano.
“Corriere dello Sport” ka shkruar “Napoli do Scudetton”. Këto ishin fjalët e Osimhen, sulmuesit të napolit, në një intervistë së fundmi ku ai u shpreh shumë optimist.
“Kjo duket mire” është titulli i katalanases “Mundo Deportivo”, duket se klubi i Barçës ka gjetur rrugën e duhur, dhe pas fitores ndaj Real Madrid, ata duken akoma më optimist dhe të ‘etur’ për sukses.
“Conte sfidon Allegrin” ka shkruar torinezja “Tuttosport”. Tashmë në garë për transferimin e Zaniolos ka hyrë dhe Tottenham të cilët po përpiqen t’ia ‘rrëmbejnë’ lojtarin Romës, para Juves.
Gazeta madrilene “AS” ka shkruar “Do të ketë luftë”. Në ElClasicon e luajtur nuk mungoi tensioni në fushë dhe gjatë këtij sezoni do të presim spektakël maksimal.
“Raphinhazo” është titulli i “Sport”, gazeta katalanase i ka thurur elozhe yllit Brazilian, të transferuar së fundmi, për super golin e shënuar në ElClasico.
“Lider druri” ka shkruar prestigjozja “Marca” për qendërmbrojtësin e transferuar së fundmi, Rudiger. Gjermani bëri debutimin e tij si mbrojtës qëndror i majtë në humbjen e Real Madridit kundër Barçës në Las Vegas. Lojtari tregon karakter dhe shkathtësi.
“E pranueshme, Ronaldo mund të largohet, por vetëm në huazim” është titulli i të përditshmes britanikes “Mirror Sport”. Kështu u shpreh trajneri i United Ten Hag, i cili nuk ka në plan të heq dorë nga ylli portugez.
