Mbretëresha Elizabeth II, monarkja më jetëgjatë në Mbretërinë e Bashkuar, ka ndërruar jetë në Balmoral në moshën 96-vjeçare. Mjekët lajmëruan më herët se gjendja e saj shëndetësore u përkeqësua, dhe drejt shtëpisë së saj shkuan të gjithë familjaret. Tashmë froni i kaloi menjëherë dhe pa ceremoni trashëgimtarit, Charles.
Një ditë më parë në emisionin “Shqipëria Live” u fol pikërisht në lidhje me ndarjen nga jeta të Mbretëreshës.
Në një lidhje “Skype” ishte Pranvera Xhafa, studiuese e konspiracionit, e cila shprehet se e ka parashikuar para ca kohësh.
Duke folur për teoritë konspirative, moderatori i njohur Flori Gjini e pyet atë: “Unë të pyeta nëse është fundi i një epoke edhe për vetë mbretërinë, për familjen mbretërore, a është kështu? A shihet kështu nga konspiracionet?”.
“Po, është ajo që do të shfaqet në vitet në vazhdim, brenda këtyre tre viteve që epoka që kemi parë, sistemi që kemi parë ka marrë fund. Dalëngadalë do të shikoni ngjarje që nuk i keni parë më parë, por edhe personazhe që nuk kanë qenë vërtet real por që kanë vdekur më para se të shpalleshin të vdekur, siç është rasti i Mbretëreshës”, tha Xhafa.
E pyetur se çfarë do të thotë me këtë, studiuesja u shpreh: “Që ka vdekur më përpara se sot ose ditën që e kanë shpallur”.
Kur i thanë se pak ditë më parë është takuar me kryeministren e re të Britanisë së Madhe, Liz Truss, ajo tha: “Siguristh. Sikur Mbretëresha ashtu edhe personazhe të tjerë VIP ose lider kanë aktorët e vet, po ashtu edhe klonët e vet. Janë shfaqur pas viteve 2000 në skenën e elitës botërore. Shpeshherë kur personazhet e kanë të pamundur të shfaqen publikisht, ata përdorin klonët e tyre”.
