Nga Elton Qyno
Akil alias Genti Nderjaku, është personazhi që dyshohet se i ka shpëtuar atentatit me snajper në zonën e Plazhit në Durrës. I riu nga Shijaku, njihet si pjesë e një grupimi kriminal në qytetin e Durrësit dhe rezulton me rekorde kriminale.
Nderjaku ka qenë prezent në moment kur një person i paidentifikuar ka qëlluar një plumb të vetëm nga një mjet furgon dhe është larguar.
Plumbi nuk ka kapur Nderjakun dhe as makinën e tij me dy personat që e shoqëronin, por një makinë tjetër të parkuar.
Gjatë hetimeve të kryera Nderjaku ka deklaruar se nuk ka qenë ai objektiv i atentatit. Edhe policia deri në këtë fazë është e paqartë se kush ishte personi që autorët kanë dashur të ekzekutojnë.
Deri në këtë fazë të hetimit, policia e Durrësit ka mundur të identifikojë vetëm mjetin “Furgon”, nga u qëllua me armë dhe s’dihet se kush janë autorët.
Genti Nderjaku është arrestuar për “Mbajtje pa lejë të armëve” gjatë operacionit “Vjeshtë 2017”, së bashku me Marjuz Fierzën, njeri ky që njihet si lidhje shoqërore e Lulzim Berishës.
Teksa Fierza është dënuar për akuzë e Armë mbajtjes pa lejë, Akil alias Gentian Nderjaku, është liruar pasi rezultoi se ai ishte paisur nga policia e Durrës me një lejë për të mbajtur armë.
Ky fakt solli një kundër reagim nga ana e SHCCBA në 2017, e cila pasi studjoi praktikën e paisjes me lejë arme të Nderjakut, konstatoi se oficeri N/komisar Gjergji Azisllari, kishte përpiluar vërtetimin e Besueshmërisë për Nderjakun, i cili ishte pajisur me armë zjarri për ta mnbajtur në banesë dhe jo në rrugë. Azisllari u arrestua për “Shpërdorim detyre”.
