Zgjedhjet lokale të vitit të ardhshëm, kanë qenë temë e diskutimit mbrëmjen e sotme në emisionin “Log.”
Analisti Agim Baçi vuri në dukje se aleatët e Berishës nuk kanë shprehur dakortësin për primaret, ndërsa Plarent Ndreca theksoi se PD është e përçarë dhe nuk dihet kush e ka shumicën.
Pjesë nga debati:
Ndreca: Ne po diskutojmë për taktikën e kategorisë së tretë, ndërkohë që loja bëhet në kategorinë e parë.
Baçi: Ia ka dhënë opozita këtë shans atyre që përfaqësojnë mazhorancën të thonë është kategori e tretë e katërt, pro nuk është ashtu.
Ndreca: Kuptohet sa qesharak është ky diskutimi, ata do bëjnë primare me simpatizantë, kur kanë gjysmën e vet që nuk e bindin dot. E kuptoni ca niveli politik është opozita sot? Ata nuk bindin dot gjysmën e vet.
Xhafo: Ji i kujdesshëm kur thua janë gjysma, se gjysmat janë një e plotë.
Ndreca: Juridikisht nuk ka një vendim të formës së prerë se kush e ka shumicën.
Xhafo: Berisha nuk ka shumicën e grupit, por Alibeaj nuk ka bazën. Ky është fakt.
Ndreca: Kjo nuk është provë.
Xhafo: Pse 6 marsi nuk është provë kush e ka bazën?
Ndreca: Këta politikisht nuk arrijnë dot të ulen në tavolinë dhe të bien dakord ça duan të bëjnë me PD-në. Kemi non-grata një person që pretendon të bëhet kryeministër i këtij vendi.
Xhafo: Pse ia qan hallin opozitës.
Ndreca: Sepse është aktor në lojë.
