Emisioni “Me Zemër të Hapu” ka publikuar një sërë kontratash dhe mesazhesh mes vajzave shqiptare dhe agjencive që i joshin për të punuar si eskorta në Arabi.
Vajzat kanë aplikuar për punë si stjuardesa apo kamariere dhe agjensitë i dërgonjnë në Arabi për të punuar si eskorta.
Gjatë bisedave me mesazhe, vajzat kanë shfaqur pakënaqësi kur u është paraqitur kontrata nga kompania e cila ka qenë ndryshe nga çka u ishte premtuar.
Sakaq, kontratat që u janë dhënë nuk përfshinin detaje të akomodimit apo pagës dhe sipas dëshmisë së vajzave nuk garantonin siguri dhe ishin shumë të përgjithshme.
Gjithashtu vajzave u është kërkuar të paguajnë një tarifë prej 1000 eurosh për të nisur punën, ku agjensia shqiptare siç duket edhe nga pamjet ka ofruar mundësinë e pagesës me këste.
