Mediat britanike vijojnë të rrëfejnë historitë e shqiptarëve që kanë emigruar ilegalisht drejt Britanisë së Madhe, këtë herë gazetarët e tabloidëve “The Sun” dhe “Daily Mail” kanë mbërritur në vendin tonë.
The Sun shkruan për një çift të moshuarish, Saiti dhe Xhedria të cilët kanë ndërtuar një vilë dy-katëshe me paratë që u ka dërguar djali i tyre Nimet, i cili hyri ilegalisht në Britani dhe tashmë jeton e punon në Londër.
Por sipas The Sun çifti i të moshuarve shqiptarë, të cilët kanë ngritur vilën e tyre në një luginë buzë lumit në Shqipëri, nuk kanë arritur të përfundojnë punimet, kjo pasi edhe vetë punëtori që merrej me ndërtimin e shtëpisë së tyre është larguar për në Britani.
Pjesë nga artikulli:
Shtëpia mbresëlënëse e këtij çifti në Shqipëri u ndërtua duke përdorur paratë e dërguara nga djali i tyre, i cili shkoi ilegalisht në Britani.
Por Sait Shabaj dhe gruaja Xheride thonë se shtëpia e tyre është bosh, pasi djali i tyre tani po jeton në Angli për një jetë më të mirë.
Me pemishten e tij plot me pemë portokalli dhe pamje mahnitëse mbi një luginë lumi, shtëpia e tyre është padyshim më e bukura në fshat.
Sait, 70, dhe 53-vjeçarja Xheride shpresonin se djemtë e tyre, që punojnë jashtë vendit,do të ktheheshin në shtëpi sapo të ndërtohej shtëpia.
Por të tre e kanë bërë të qartë se nuk kanë ndërmend të kthehen kurrë.
Më i riu i tyre, Nimeti, 30 vjeç, mbërriti në Britani në pjesën e pasme të një kamioni dhe tani jeton në Londër.
Ndërkohë, prindërit e tij jetojnë në një nga qytetet thuajse të braktisur të Shqipërisë veriore.
