Deputetja e PL, Monika Kryemadhi është pyetur nëse ish-LSI ka marre fonde ruse nën drejtimin e saj.
Kryemadhi lidhur me akuzën e kryeministrit Rama tha se kjo është thjesht një tentativë për të çfokusuar vëmendjen nga problemet e vërteta qe ka shkaktuar kjo qeveri.
Teksa akuzoi kreun e qeverisë se ka lidhje me ish-drejtorin e FBI ndaj të cilit ka një hetim në SHBA për lidhje me financimet ruse.
“E keni kuptuar që Rama thërret ujku ujku e çakalli bën kërdinë këtej. PL s’ka marrë asnjëherë financime ruse e kanë qenë të qartë në linjën e tyre. Asnjë nga PL s’ka dalë në atë listën e pyetjve të një hetimi të madh që bëhet sot në Amerike për ish drejtorin e FBI që akuzohet për lidhjen e tij me Ramën për lidhjen e ngushtë që kanë të bëjnë me financimet ruse.
SHBA kanë bërë një investigim e Rama ka bërë shumë për ta eleminuar këtë lloj investigimi e lajmi në media që të shkëpusë vëmendjen nga varfëria, laegimi i të rinjve e për të shfokusuar vëmendjen e opinionit të rublat.
Rama mos mendoni se do e linte një gjë të tillë do vinte nja 10 prokurorë të tjerë kundër PL për ta hetuar këtë cështjen e rublave por nuk ka, e ka si lloj antistresi për të justifikuar problemet e veta. Sa herë i shtrëngohet litari për inceneratorin e Tiranës nxjerr ndonjë bllof mediatik që i ka dalë boja e është bërë shumë “old fashion” në këtë drejtim”, tha Kryemadhi.
