Jemi zyrtarisht në ditën e fundit përpara nisjes së kompeticionit më të lavdishëm në planet.
Ndjekim disa nga titujt kryesorë të mediave sportive:
La Gazzetta dello Sport fokusohet në lëvizjet e Interit në tregun e transferimeve: “Inter, Thuram është këtu: por kush po largohet?”. Pyetjet lindin se kush do t’i lërë hapësirë ardhjes së mundshme të sulmuesit francez.
Corriere dello Sport në vend të kësaj ia dedikon titullin e saj kryesor çështjes së Cristiano Ronaldos: “I shkarkuar!”. United dëshiron ta përjashtojë atë nga klubi për deklaratat e tij të fundit.
“Milinkovic-Juve, kështu rihapet” është titulli i torinezes Tuttosport, e cila vë në plan të parë Juventusin dhe objektivin e tyre në vitet e fundit.
AS hapet me deklaratën e Luis Enrique, në Twitch-in tashmë të zakonshëm çdo mbrëmje me tifozët e Spanjës, me një urim të veçantë: “Nëse Spanja nuk e bënë, le ta bëjë Messi”. Tekniku i Iberikëve është shprehur se nëse ata nuk do të munden ta fitojnë Kupën e Botës, atëherë shpreson që ta fitojë Messi.
Katalanasja Sport hapet me misionin e Argjentinës dhe duke iu referuar numrit 10 me titullin: “Kërcimi i fundit”. Ky do të jetë Botërori i fundit i legjendës Leo Messi, dhe “Pleshti” do të kërkojë që ta fitojë me çdo kusht.
