Disa përballje shumë interesante do të na shoqërojnë edhe në ditën e sotshme, në kompeticionin më të lavdishëm në planet.
Ndjekim disa nga titujt kryesorë të mediave sportive:
“Bijtë e D10” titullon La Gazzetta dello Sport. Argjentina e Messit del në fushë kundër Arabisë Saudite dhe Franca e Mbappes kundër Australisë, me dy numrat 10-të që priten të jenë protagonist me kombëtaret e tyre.
Corriere dello Sport ia kushton titullin kryesor ndeshjes së parë të ditës në Kupën e Botës, asaj të Argjentinës: “Messi, tani ose kurrë”. Ky është shansi i fundit për yllin e Albiceleste që të ngrejë trofeun e Kupës së Botës, i vetmi trofe që i mungon.
Hapja e Tuttosport është për një rinovim të rëndësishëm të kontratës tek Juventusi: “Locatelli 2027: Juve i bën gjërat siç duhet”.
AS, në Spanjë, titullohet: “Super e Marta”, me imazhet e Messit dhe Mbappes, por edhe të Lewandowskit në faqen e pare, duke iu referuar ndeshjeve të ditës.
Ndërkohë, Anglia gëzon një ekip super kombëtar, Mirror Sport feston goleadën e djemve të Gareth Southgate kundër Iranit me një citim të përshtatshëm muzikor, “Gjashtë pistoleta”.
“Franca e Kylianit” titullohet prestigjiozja franceze L’Equipe. Mbappe merr sërish frenat e skuadrës pas dëmtimit të Karim Benzemas, dhe tani do të jetë protagonist absolut, njësoj si katër vite më parë në Botërorin e Rusisë.
