Një efektiv i rendit dhe një i Policisë Bashkiake u arrestuan pasi akuzohen për vjedhje në zonën e Liqenit artificial në Tiranë.
Sipas policisë, duke shfrytëzuar detyrën, ata ndalonin të rinj në zonën e Liqenit, që i kapnin duke pirë cigare hashashi.
U vinin dhe prangat që të dukeshin sa më të besueshëm që po bënin detyrën, dhe u merrnin lekët, duke i lënë më tej të lirë në këmbim që mos t’i shoqëronin në komisariat.
Në pranga ka rënë polici i patrullës së Komisariatit nr.1, Serxhio Cani 23 vjeç dhe polici bashkiak, Sajmir Muzikanti, 39 vjeç.
