Goditja me këmbën e majtë nga distanca e Paik Seung-Ho do të jetë përgjithmonë goli i fundit i shënuar në “Stadium 974”, dhe jo vetëm për këtë Botëror. Historia dihet, në fund të fundit, edhe “misioni”. Mbyllja në këtë mënyrë është një mënyrë e denjë, mund të thuhet.
Ai që shumë e kanë quajtur “stadiumi i kontejnerëve” mbyll dyert pas disa javësh jetë. I ndërtuar për “Katar 2022”, ai ka qenë gjithmonë një objekt i përkohshëm, I projektuar posaçërisht për t’u çmontuar në fund të kompeticionit.
Brazil-Koreja e Jugut ishte, pra, ndeshja e fundit e luajtur në “974”, ku “bujtën” edhe Meksikë-Poloni, Portugali-Gana, Francë-Danimarkë, Brazil-Zvicër, Poloni-Argjentinë dhe Serbi-Zvicër, si dhe, natyrisht, Seleçao e Tite në 1/8 finale.
I projektuar nga “Fenwick Iribarren Architects” dhe i inauguruar në vitin 2021, ai e ka marrë emrin nga numri i kontejnerëve të pranishëm në strukturën e tij, saktësisht 974. Një nderim për kodin (prefiksin) ndërkombëtar të telefonimit të vendit, ose +974.
Pasi të çmontohet, “Stadiumi 974” do të vazhdojë të ekzistojë diku tjetër. Misioni I projektit parashikon që struktura, ose një pjesë e saj, në fakt mund të ripërdoret diku tjetër. Gjë që do të ndodhë.
Në vitin 2021 priti Kupën Arabe, por në Kupën e Botës pa disa nga futbollistët më të mëdhenj të planetit të shënonin aty. Do ta shohim sërish në të ardhmen, por mbetet të saktësohet se ku do të jetë e nevojshme të përditësohet.
