Gazetari Blendi Fevziu, student i Dhjetorit ka kujtuar sot Ditën e Rinisë, duke publikuar disa foto nga demonstrat e periudhës Dhjetor 1990 – Shkurt 1991, kohë në të cilën u përmbys regjimi komunist.
Ai ka treguar disa detaje nga rrëzimi i sistemit në 1990, ku studentët dolën dhe protestuan kundër rregjimit.
Fevziu shprehet në një intervistë në “Euronews Albania” se kujton në çdo detaj dhe se ka ndjerë frikëm më të madhe, madje duke thënë se i dridheshin këmbët kur kuptoi se studentët u ngritën kundër regjimit.
“Kujtoj cdo detaj të asaj dite. Kur u afrova drejt qyteti studentit pashë vajzat e vitit të parë të fakultetit të gjuhë letërsisë, që më thanë është demonstratë, Unë dëgjoja zërat. Në këtë moment unë shtova hapat për t’u afruar tek grupimi dhe para meje u vendos një resht me ushtarë. Ka qenë momenti i parë që unë ndjenja një frikë, frika më evidente, fillova që të më dridheshin gjunjët, se thashë ku jam tani. Ushtarët bllokuan rrugën.
Kur dola tek pjesa ku po vinte turma, pashë në resht të parë djalin më të urtë të kursit tonë, kurrë nuk i ishte dëgjuar zëri. Unë u shokova, i pari ishte ky bashkë me Azem Hajdarin, ishin kapur për krahu. Ishin të vendosur, më pas pashë disa nga miqtë e mi si Ben Blushi dhe u bllokuam tek liceu. Ai ka qenë momenti i fundit i një frike të madhe”, tha Fevziu.
