Një vajzë 2 vjeçare ka ndërruar jetë si pasojë e koronavirusit në Greqi.
Mediat vendase raportojnë se vogëlushja ishte intubuar dy ditë më parë në Spitalin e Korintit pas komplikimeve për shkak të virusit. Sipas dëshmisë së babait, fëmija kishte vetëm 1% mundësi për të jetuar.
E intubuar, vajza u transportua me ambulancën e EKAV-it në spitalin e fëmijëve në Athinë, por pavarësisht përpjekjeve, vogëlushja ndërroi jetë. Koronavirusi krijoi inflamacion në mes të trurit të foshnjës, duke shkaktuar dëmtimin e të gjithë sistemit nervor.
