Një aksident ka ndodhur mëngjesin e sotëm në aksin Shkodër-Tiranë ku një 61-vjeçar me iniciale L.V ka humbur kontrollin e motorçikletës së tij dhe për pasojë është rrëzuar.
Qytetari është dërguar menjëherë në Spitalin Rajonal Shkodër ku po merr dhe ndihmën e parë nga bluzat e bardha.
Njoftimi i Policisë:
Rreth orës 06:45, në aksin rrugor “Shkodër-Tiranë”, në fshatin Beltojë, shtetasi L. V., 61 vjeç, duke lëvizur me motoçikletë, ka humbur kontrollin mbi drejtimin e mjetit dhe është rrëzuar. Si pasojë e dëmtimeve të marra, 61-vjeçari është dërguar në Spitalin Rajonal Shkodër, ku dhe po merr asistencën mjekësore.
Grupi hetimor po vijon punën për sqarimin e rrethanave të aksidentit.
