Një 50 vjeçar është arrestuar nga Policia e Vlorës, pasi aksidentoi sot një këmbësore dhe u largua nga vendi i ngjarjes.
Bëhet me dije se në pranga ka rënë shtetasi A. M., 50 vjeç, banues në Vlorë, i cili akuzohet , për veprat penale: “Shkelja e rregullave të qarkullimit rrugor” dhe “Largimi nga vendi i aksidentit”.
Ndërkohë shtetasja V. H., 60 vjeçe, aktualisht ndodhet në spitalin e Vlorës, jashtë rrezikut për jetën.
“Specialistët e Qarkullimit Rrugor në DVP Vlorë bënë arrestimin e shtetasit A. M., 50 vjeç, banues në Vlorë, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”. Ky shtetas, në rrugën “Ali Demi”, duke drejtuar automjetin tip “Citroen”, ka aksidentuar këmbësoren, shtetasen V. H., 60 vjeçe, e cila aktualisht ndodhet në spitalin e Vlorës, jashtë rrezikut për jetën.
Drejtuesi i automjetit, shtetasi A. M, është larguar nga vendi i aksidentit, por u kap më pas nga shërbimet e Policisë. — Specialistët për Hetimin e Krimeve në Komisariatin e Policisë Himarë referuan materialet në Prokurori, pasi mëngjesin e sotëm, në Jalë, Himarë, dyshohet se si pasojë e një shkëndije elektrike, ka rënë zjarr në një objekt 1-katësh në pronësi të shtetasit A. V. Materialet i kaluan Prokurorisë, për veprime të mëtejshme:, njofton Policia.
