Sekretari i Përgjithshëm i NATO-s, Jens Stoltenberg ka thënë se presidenti rus Vladimir Putin “nuk mund të fitojë në fushën e betejës”. Kjo deklaratë e shefit të NATO-s vjen pasi Putini tha se “nuk kishte dyshim” se Moska do të fitonte luftën në Ukrainë.
Në komentet televizive për veteranët dhe punëtorët gjatë një vizite në një fabrikë armësh në qytetin e tij të lindjes në Shën Petersburg të mërkurën, Putin tha me bindje të plotë: “Fitorja është e garantuar, nuk kam asnjë dyshim për të”.
Stoltenberg, iu kundërpërgjigj shpejt pretendimeve të tij, duke u thënë gazetarëve në Davos të Zvicrës se Putin nuk ka treguar asnjë shenjë të përgatitjes për paqen dhe se duhet të kuptojë se nuk ka asnjë shans për një fitore në fushëbetejë.Ai shtoi se e Kievit i duhet një ‘rritje e konsiderueshme’ e armëve nga aleatët e tij perëndimorë për të kapërcyer Rusinë.
“Presidenti Putin nuk ka treguar asnjë shenjë të përgatitjes për paqen dhe për këtë arsye ai duhet të kuptojë se nuk mund të fitojë në fushën e betejës. Ky është një moment kyç në luftë dhe nevoja për një rritje të konsiderueshme të mbështetjes për Ukrainën”, tha Stoltenberg në Davos.