Zv.kryeministrja dhe ministrja e Infrastrukturës, Belinda Balluku, zhvilloi sot një takim me kreun e Autoritetit Kibernetik të Izraelit, Gaby Portnoy.
Me anë të një statusi në rrjetet sociale, Balluku thotë se Portnoy është një nga partnerët kryesorë të Shqipërisë në fushën e kibernetikës gjatë kësaj kohe kur vendi jonë është vënë në shënjestër të sulmeve nga Irani.
Zv.kryeministrja thekson se ata diskutuan për vijimin e bashkëpunimit dhe angazhimin e palës shqiptare për ngritjen e kapaciteteve dhe të një mjedisi kibernetik sa më të sigurtë.
“Izrael, me Z. Gabi Portnoy, Drejtorin e Përgjithshëm Kombëtar të Cybersecurity, një nga partnerët kryesorë të Republikës së Shqipërisë në këtë fushë kaq kritike këto kohë për ne. Me Z. Portnoy diskutuam për vijimin e bashkëpunimit të shkëlqyer që kemi si dhe angazhimin e palës shqiptare për ngritjen e kapaciteteve dhe të një mjedisi kibernetik sa më të sigurtë”, shkruan ajo
