Juventus pret në shtëpi Lazion, në një ndeshje të vlefshme për 1/8-tat e Kupës së Italisë. Bardhezinjtë vijnë nga një disfatë në kampionat dhe përballë kryeqytetasve do të provojnë të përmirësojnë ambientin e rënduar.
Trajneri Massimiliano Allegri ka zgjedhur edhe formacionin titullar teksa në sulm starton dyshja Chiesa-Vlahovic, ndërsa një fanellë titullari i është besuar edhe Fagiolit. Në kampin tjetër, trajneri Maurizio Sarri preferon në treshen e vijës së parë Immobile, Felipe Anderson dhe Zaccagni.
Formacioni startues i Juventusit: Perin; Danilo, Bremer, Alex Sandro; Cuadrado, Fagioli, Locatelli, Rabiot, Kostic; Chiesa, Vlahovic.
Formacioni startues i Lazios: Maximiano; Lazzari, Patric, Romagnoli, Marusic; Vecino, Cataldi, Luis Alberto; Felipe Anderson, Immobile, Zaccagni.
Skuadra fituese në gjysmëfinale do të përballet me Interin që triumfoi kundër Atalantas.