Mos prezenca e kryeministrit Edi Rama në Kuvend dhe përjashtimi i 5 deputetëve të PD-së, ka sjellë revoltën e demokratëve të cilët që në krye të herës, kanë bllokuar foltoren duke kërkuar që seanca të anulohet.
“Thërrisni kryeministrin të vijë këtu të përballet me opozitën, ajo seancë nuk duhet të ishte bërë, duhet anulluar, e keni kthyer në një noter të Qeverisë. Shumë herë jemi përballur bashkë. Baçi e kam mbiemrin, duhet ta mbani mend mirë”, ka deklaruar Luan Baçi.
Nga ana tjetër, Salianji tha se Rama nuk mund të mbrohet nga deputetët e tij, pasi akuza është personale për të.
“Ne kërkojmë kryeministrin për një aferë personale në cilësinë e kryeministrit, nuk mund ta mbroni ju. Nuk e caktoni dot ju se cilët deputetë bëjnë debat, nuk ka kuptim seanca”
Deklaratat e demokratëve jasht procedurës ka bërë që Nikolla tu mbyll fjalën herë pas herë, ndërsa i ka paraljmëruar se nëse kanë ardhur me mendje për të marrë peng seancën, nuk do t’i lejojë.