Juristi Ylli Manjani deklaroi në një intervistë për Euronews Albania se Yuri Kim po ndërhyn në mënyrë të paligjshme në zgjedhje.
Sipas tij ajo po bën “fushatë të pastër”.
“Zonja Kim thotë që kush voton kandidatët e non gratës është praktikisht non grata. Ju kandidat që iu mbështet non grata, ju keni pronar non gratën. Shihni çfarë termash. Kjo tregon që dhe si individ ka një mungesë të theksuar kulture demokratike. Në cilin standard amerikan, i lëmë të tjerat, e ka dëgjuar këtë historinë që ‘pronari në demokraci’? Ku ka pronarë në demokraci? Cili kryetar në Amerikë është pronar i kandidatëve? Kjo është totalisht e pakulturuar, përveçse e paligjshme, përveçse bën propagandë, përveçse ndërhyn, dhe kjo është fjala më e rëndë, në zgjedhjet e një vendi sovran, ajo e bënë këtë punë në mënyrën më të pakulturuar të mundshme,” – u shpreh Manjani.
Sipas tij, Yuri Kim duhet të sjellë standardin amerikan në zgjedhje, gjë që nuk po e bën. Juristi tha se kontributi i vetëm i ambasadores është nxjerrja në pah e më të keqes së shqiptarëve.
