Janë zbardhur detaje të reja lidhur me arrestimin e Ramazan Rraja, të cilit iu vunë pranga dy ditë më parë për atentatin ndaj ish-prokurorit Arjan Ndoj.
Gazetarja Klodiana Lala raporton se Ramazan Rraja i ka shpëtuar një operacioni policor në Vorë, para ndalimit.
Një efektiv ka tentuar të ndalonte makinën me të cilën Rraja po udhëtonte, por automjeti është larguar me shpejtësi.
Pasi makina ka nisur të largohet me shpejtësi, efektivi i policisë ka qëlluar në drejtim të makinës, e cila nuk ka ndaluar.
Ngjarja e Vorës nuk është raportuar nga policia, por AMP ka nisur hetimet dhe ka marrë dëshminë e oficerit të policisë.
