Kandidati i opozitës për bashkinë e Tiranës, ka shkuar ditën e sotme pranë një familjeje në Tiranë, e cila ndodhet në kushte tejet të vështira ekonomike.
Ai ka publikuar një video nga takimi me një nënë tiranase, e cila tregon banesën e shkatërruar nga tërmeti i 26 nëntorit 2019.
“Shihni pak çfarë ndodh në Tiranën reale, përtej kasetave e montazhit”, shkruan Këlliçi krahas pamjeve të banesës dhe bisedës me të moshuarën.
Kjo e fundit rrëfen së në këtë banesë janë rritur 5 breza dhe se bashkia i la në çadër pas shkatërrimit të saj.
Pjesë nga biseda:
Këlliçi: Oj nënë, ka ardhur dikush për t’ju parë nga bashkia?
Nëna: Kanë qenë dy herë, tre herë.
Këlliçi: Çfarë ju kanë thënë?
Nëna: Do t’i bëjmë, do t’i bëjmë. Asnjë gjë nuk kanë bërë.
Këlliçi: Tmerr! Çfarë flet?! O nënë, sa vetë jeni këtu? Jeni katër kunora?
Nëna: 5 kunora. 5 kunora kemi qenë. Brezi tjetër ka ikur.
Këlliçi: Po kur ju ra tërmeti ju thanë se duhet prishur shtëpia?
Nëna: Po!
Këlliçi: Edhe ju lanë në çadër?
Nëna: Po, në çadër.
Këlliçi: Po tani çfarë kanë bërë? Se thotë që kam bërë apartamente, kam bërë shtëpua thotë ai, kam bërë vila…
Nëna: Vilat e mia nuk janë bërë.
