Salianji ironizon Bashën: I katërti nuk mund t’i kërkojë llogari të dytit

113 563 lexime

124,178FansaPëlqeje

Deputeti i PD-së Ervin Salianji ka folur para seancës parlamentare për rikthimin e Lulzim Bashës.

Salianji deklaroi se PD-ja që ka vulën nuk mund t’i kërkojë llogari koalicionit “Bashkë Fitojmë” për zgjedhjet e 14 majit, pasi ata kanë dalë në vend të katërt.

Sipas tij, vetëm demokratët dhe shoqëria ka të drejtë të kërkojë llogari.

“Më vjen keq se gati gjysma e deputetëve të opozitës thuajse kanë qenë me vakanca, kanë qenë pushim. Tani meqenëse duket sikur është krijuar ndonjë turbulencë, po vijnë. Nuk ka asnjë faj populli në këto zgjedhje, faji është i drejtueseve të opozitës, është faji jonë është faji i deputetëve.

Po vazhdohet prapë me të njëjtën mënyrë dhe më vjen keq. Ajo që dua të them se ka dhe një paradë budallallëku që e shoh dhe para jush herë pas herë. Ata që kanë dalë të katërtit i kërkojnë llogari atyre që kanë dalë të dytët që pse keni dalë ju më mirë ndërkohë që përgjegjësinë kryesore e kanë vetë.

Këtu s’po them për veten, se vetë kam dalë i pari aty ku kam qenë, por pa diskutim që populli ka të drejtë të kërkojë llogari pse është ky rezultat nga më të këqijtë për opozitën.

Pa diskutim që demokratët dhe e gjithë shoqëria ka gjithë të drejtën të kërkojë llogari ndaj opozitës, por aktorët në lojë nuk mund t’i kërkojnë llogari njeri-tjetrit që pse ti dole në lojë më mirë se sa unë, kur kanë marrë pjesë vetë në lojë.

Duke u nisur nga ky vetë ndërgjegjësim për gjithçka që ka ndodhur nga ata vetë, pa diskutim pastaj që mund të flasim për të gjithë elementët e tjerë.

Nëse bëjmë gjasme sikur njerëzit kanë pritur që kush ka qëndruar në krevat dhe tani u ndez playstation-i për të luajtur lojën e ka gabim.

Dhe ndonjë tjetër që pasi i ngarkon ndonjë mision Rama, thotë hajde po vij tani. Nuk është kështu opozita dhe do ta shihni që demokratët kanë për t’i marrë para”, tha ai.

Të fundit

Erdogan dorëzohet pas 22 vitesh në pushtet/ Nuk do të kandidoj më për President!

Presidenti Recep Tayyip Erdogan, ka deklaruar se nuk ka ndërmend të kandidojë përsëri për president, duke theksuar se Turqia...

FOTO: Apartamenti dhe shtesa në katin e fundit që iu sekuestrua sot Veliajt

Prokuroria e Posaçme ka njoftuar këtë të enjte, datë 22 Maj, sekuestrimin e një apartamenti te “Kodra e Diellit” dhe një shtese pranë tij,...

Topi ‘nxin’ Berishën/ E ka kthyer opozitën në kazermë politike! Ja si luan me demokratët

Partia Demokratike është kthyer si një kazermë politike inkuizicioni që vazhdimisht eliminon figurat intelektuale të saj, teksa në këto zgjedhje prodhoi edhe dramën e...

Refuzoi 185 mln euro në vit, zbulohet ëndrra e fundit e Cristiano Ronaldos

Cristiano Ronaldo, 40 vjeç tashmë dhe në fund karriere më afër se kurrë, mund të largohet nga Al Nassr. Arabia Saudite i ofron miliona,...

Kufizohen kreditë për shtëpi/ Tavan për vlerën dhe afatin e shlyerjes

Kufizohet dhënia e kredive për blerje banese.Vendimii bankës së Shqipërisë  është publikuar në fletore zyrtare dhe parashikon që bankat të mos japin kredi për...

Lajme të tjera

Web TV