Pas largimit të ambasadores Yuri Kim nga Shqipëria, një tjetër zyrtar i lartë i ambasadës së SHBA-ve në Tiranë ka përfunduar misionin e tij në Shqipëri.
Ekipi i ambasadës ka njoftuar largimin e Zëvendës Shefit të Misionit, Demian Smith, i cili shërbeu në Shqipëri për një periudhë rreth 2-vjeçare.
Përmes një postimi në rrjete sociale, ekipi i Ambasadës ka ndarë pamjet nga festa e largimit të Demain i cili pritet të marrë një tjetër post në Washington.
Kujtojmë se më herët edhe ambasadorja Yuri Kim përfundoi misionin e saj në Shqipëri. Ajo mori postin e zëvendësndihmëssekretares për Çështjet Evropiane në Departamentin Amerikan të Shtetit.
NJOFTIMI I AMBASADËS PËR LARGIMIN E DEMIAN SMITH
Stafi i Ambasadës Amerikane i dha lamtumirën këtë javë Zëvendës Shefit të Misionit/I Ngarkuari me Punë Demian Smith pas dy vitesh shërbimi në Shqipëri.
Ekipi i Ambasadës u mblodh për t’i uruar më të mirat Demian dhe familjes së tij ndërsa ai kthehet në Uashington DC për detyrën e tij të radhës.
Punonjësit falënderuan Demian për udhëheqjen e tij, mbrojtjen e fortë dhe dhembshurinë që ai tregoi ndaj të gjithëve në Ambasadën e SHBA-së në Tiranë.
Do të na mungojë ngrohtësia, qëndrimi pozitiv dhe mbi të gjitha kostumi i Yjeve dhe Vijave në 4 Korrik! Gjithë të mirat Zoti Smith.
