Japonia po plaket, qeveria thirrje të rinjve: Bëni sa më shumë fëmijë!

113 563 lexime

124,178FansaPëlqeje

Japonia ka raportuar plakje të popullsisë, ku më shumë se 10% e popullsisë tani është 80-vjeç ose më e vjetër.

Sipas CNN, kjo e dhënë shënon një moment historik në lidhje me krizën demografike ku përqindja e të moshuarve që përbëjnë 29.1% të popullsisë, është shkalla më e lartë në botë.

Ministria publikoi shifrat për të shënuar Ditën e Respektit për të Moshuarit, një festë publike në vend i cili gjithashtu përballet me një rënie të shkallës së lindjeve dhe tkurrje të fuqisë punëtore që mund të ndikojë në fondet për pensionet dhe kujdesin shëndetësor ndërsa kërkesa nga popullsia në plakje rritet.

Popullsia e Japonisë ka qenë në rënie të vazhdueshme që nga bumi i saj ekonomik i viteve 1980, me një normë lindshmërie prej 1.3 – shumë më poshtë se 2.1 që nevojitet për të mbajtur një popullsi të qëndrueshme, në mungesë të emigracionit.

Vdekjet kanë tejkaluar lindjet në Japoni për më shumë se një dekadë, duke paraqitur një problem në rritje për drejtuesit e ekonomisë së tretë më të madhe në botë.

Vendi ka gjithashtu një nga jetëgjatësia më e lartë në botë, duke kontribuar në rritjen e popullsisë së moshuar.

Për të përballuar mungesën në rritje të fuqisë punëtore dhe për të rigjallëruar ekonominë në ngecie, Japonia inkurajon të moshuarit që të rihyjnë në fuqinë punëtore.

Tani ka një rekord prej 9.12 milionë punëtorësh të moshuar në Japoni, një numër që është rritur për 19 vjet rresht. Punëtorët e moshës 65 vjeç e lart përbëjnë tani më shumë se 13% të fuqisë punëtore kombëtare, tha të hënën ministria e punëve të brendshme.

Shkalla e punësimit të të moshuarve në Japoni është ndër më të lartat në të gjithë ekonomitë kryesore, shtoi ai.

Lexo edhe :  Mrekullia e mjekësisë italiane/ Rindërtojnë zemrën e palestinezes 13 muajshe

Por edhe inkurajimi i punëtorëve të moshuar nuk është i mjaftueshëm për të kompensuar ndikimet sociale dhe ekonomike të krizës demografike.

Kryeministri Fumio Kishida paralajmëron se Japonia është në prag të pamundësisë për të mbajtur funksionet sociale. Një thirrje e qeverisë është që të rinjtë të kenë më tepër fëmijë, e cila do të shërbente si politikë e duhur për të zgjidhur ngërçin.

Edhe Kina, Koreja e Jugut, Singapori dhe Tajvani po përjetojnë kriza të ngjashme, të cilat po ashtu inkuroajojnë të rinjtë që të kenë më shumë fëmijë, përballë kostove të jetesës dhe pakënaqësisë sociale./   S.M

Të fundit

Gjykata e ka orientuar vendimin e Apelit, por PD duhet ta tejkalojë sindromën e ‘vulës’

Nga Namir Lapardhaja  Sagës së stërzgjatur të historisë së logos dhe vulës së Partisë Demokratike të Shqipërisë duket se do...

U përfolën se ishin ndarë/Jennifer Lopez e Ben Affleck shfaqen në krahët e njëri-tjetrit

Prej disa ditësh në shtypin rozë u përfol për një ndarje të mundshme midis këngëtares Jennifer Lopez dhe aktorit Ben Affleck. Mirëpo mbrëmjen e djeshme...

Operacioni i SPAK/ Arrestohet në Belgjikë rivali i Ervis Martinajt (Emri)

Në kuadër të operacionit të spak pas shkëmbimit të informacionit mes policisë shqiptare dhe asaj belge është bere e mundur arrestimi i Leonard Dukës. Ndaj...

Veliaj vizitë në Tokio, do përfaqësoj presidencën e B-40, takime me kryetaren e bashkisë

Kryetari i Bashkisë së Tiranës Erion Veliaj nis sot një vizitë të shkurtër në Tokio të Japonisë, ku do të përfaqësojë edhe rrjetin e...

Priten të tjera arrestime “VIP”, ja goditja e madhe që do të bëhet nga SPAK

Profesori i njohur, Ervin Karamuço ka treguar detaje të forta lidhur me megaoperacinonin e djeshëm të SPAK për personazhe të njohura të botës së...

Lajme të tjera

Web TV