Javën e kaluar, kryeartikujt e mediave u pushtuan me lajmin se Enca Haxhia, u arrestua nga policia e Tiranës, për mbjellje të kanabisit në kushte shtëpie.
Asaj iu gjetën 5 vazo me hashash ne verandën e banesës së saj në periferi të Tiranës, saktësisht në Lundër. Bashkë me të u kap edhe i dashuri i këngëtares.
Artistja është lënë e lirë dhe sipas avokatëve, kontrolli i banesës së Encës ishte i paligjshëm dhe sipas tyre këngëtarja i ka mbjellë rrënjët e kanabisit për kuriozitet.
Pas gjithë zhurmës së krijuar, Enca më në fund ka reaguar në profilin e saj të Instagramit, duke falenderuar të gjithë ndjekësit e saj për suportin e marrë gjatë kësaj periudhe.
“Jam shumë mirënjohëse dhe e bekuar për të gjithë suportin, komentet pozitive dhe dashurinë që kam marrë ditëve të vështira që kalova“, shkruan Enca në “Instastory”.
Në një tjetër postim, Enca ka ironizuar atë që spiunoi Encën, duke publikuar një fotografi tepër provokuese, në të cilën shfaqet me rroba banjo.
“Ata kanë qënë duke studiuar ballkonin tim”, shkruan me ironi Enca./ S.M
