Nano, beteja e një jete!

113 563 lexime

124,178FansaPëlqeje

Nga ROLAND QAFOKU

Është një lloj burgu numër 2 beteja që Fatos Nano po bën prej 29 gushtit në spitalin “Hygeia” në Tiranë.

I futur në terapi intensive me tuba dhe me maskë oksigjeni në fytyrë, politikani që arriti të fitojë betejën e parë pas 1560 ditëve qëndrimi në qeli, tani i duhet të fitojë një betejë akoma më të vështirë: Atë me jetën.

3 herë kryeministër, 1 herë zëvendëskryeministër, 5 herë i zgjedhur deputet, 14 vjet kryetar i PS-së, 3 vjet, 6 muaj e 10 ditë qëndrim në burg të padrejtë, bilanci i tij në politikë nuk i ngjan askujt në historinë e Shqipërisë moderne. E nëse periudhën nga viti 1991 deri në 2005 në Shqipërinë politike do ta quanim epokë, ajo mban emrin e një politikani: Fatos Nano.

I pari politikan me teserën e komunistit që u bë reformator, si fillim duke zëvendësuar kryeministrin e fundit të atij regjimi Adil Çarçani dhe më pas duke aplikuar ekonominë e tregut.

I pari politikan që reformoi Partinë e Punës duke u zgjedhur kryetar i saj si pasardhës i Ramiz Alisë jo vetëm duke i ndryshuar emrin nga Partia e Punës së Shqipërisë në Partia Socialiste e Shqipërisë, por duke e strukturuar dhe drejtuar atë me koncept perëndimor demokratik, ndërkohë që anëtarësia dominohej nga koncepti i vjetër bolshevik e lindor.

I pari politikan i kësaj partie që mbajti pa të drejtë peshën e përgjegjësisë për komunizmin duke u bërë i pari socialist që dënoi publikisht nomenklaturën komuniste dhe regjimin e Enver Hoxhës dhe duke ndryshuar edhe mentalitetin komunist në parti.

I pari politikan që pagoi një çmim të lartë që duke qenë kryetar i opozitës socialiste të asaj kohe vuajti burgun si kundërshtar politik e konfirmuar kjo jo vetëm në Shqipëri, por edhe nga autoritetet ndërkombëtare në Evropë dhe SHBA.

Lexo edhe :  Shqipëria dhe shqiptarët, apo Sali Berisha ?

I pari politikan që emancipoi politikën shqiptare duke e treguar këtë me shembullin vetjak. Takimi tij me Sali Berishën më 31 janar 2002 në studion e emisionit “Opinion” të Blendi Fevziut në Tv Klan tregonte se Nano jo vetëm nuk ishte hakmarrës për burgun që bëri, por kjo ndikoi në zbutjen e politikës aq të ashpër në Shqipëri.

Të fundit

Raporti vjetor/ SPAK “ujë të ftohtë” Policisë së Shtetit

Raporti vjetor i SPAK për vitin 2024 sjell një panoramë të qartë mbi ecurinë e hetimeve, bashkëpunimin me institucionet...

Rama mbi përdorimin e VPN për hapjen e TikTok: Turp i madh! Duhet shumë kujdes…

Kryeministri Edi Rama ka vijuar edhe sot serinë “Sy m’sy” ku u është përgjigjur komentuesve në rrjetet sociale. Ai ka përsëritur se PS është e...

“Duhet ta thajmë më 11 maj”/ Rama këshillë komentuesit: Braktise kënetën!

Kryeministri Edi Rama nuk i ka kursyer përgjigjeve ndaj komentuesve ku nuk i ka kursyer ironitë ndaj kreut të PD Sali Berisha. Ai ka “këshilluar”...

Dollari në rënie, euro nuk lëviz/ Kursi i këmbimit, 3 Prill 2025

Ditën e sotme në tregun valutor, monedha euro do të këmbehet me 98.7 lekë në blerje dhe 99.5 lekë në shitje. Dollari amerikan blihet me...

Rama: Vetëm unë dhe PS, mund ta ‘kyçim‘ Shqipërinë në BE!

Kryeministri Edi Rama thotë se vetëm ai dhe PS mund ta “kyçin” Shqipërinë në BE. “Përveç faktit se kur hyjmë në BE, të të them që dil...

Lajme të tjera

Web TV