Gazetari Xhemajl Rexha ka dhënë detaje në lidhje me situatën në Kosovë, ku një polic ka mbetur i vrarë ndërsa dy të tjerë janë plagosur.
Në një lidhje për Euronews Albania, ai bëri me dije se Policia e Kosovës ka mbyllur pikat kufitare të Jarinjës dhe Bernjakut.
“Nuk mund të kalohet kufiri dhe nuk mund të futen njerëzit në Kosovë”-tha Rexha.
Gjithashtu ai nënvizoi se Policia e Kosovës ka rrethuar Manastirin ku ndodhen 30 persona
“E gjithë situate tani për momentin po kontrollohet nga policia e Kosovës që e ka të rrethuar Manastirin. Ka pasur më herët akuza që kishat ortodokse serbe përdoren për nga grupet kriminale por Serbia I ka mohuar gjithmonë”-tha mes të tjerash ai.
Një polic është vrarë mëngjesin e kësaj të diele në veri të Kosovës, sulm që është dënuar nga bashkësia ndërkombëtare.
Qeveria e Kosovës e ka cilësuar sulmin si akt terrorist, madje kryeministri Kurti ka publikuar fotografi të këtyre grupeve të cilat sipas tij po kërkojnë luftë.
Kosova dhe Serbia janë pjesë e dialogut të ndërmjetësuar nga BE-ja, për normalizim të raporteve, prej vitit 2011.
Palët kanë nënshkruar një mori marrëveshjesh, por jo të gjitha janë zbatuar.
Raundi i fundit i dialogut të nivelit të lartë, i mbajtur më 14 shtator, ka përfunduar pa ndonjë rezultat./e.t
