Viti i ri akademik/ Begaj uron studentët: Vendimet tuaja profesionale e ardhmja jonë

113 563 lexime

124,178FansaPëlqeje

Mesazhi për fillimin e vitit të ri akademik në arsimin e lartë 2023-2024 nga Presidenti i Republikës, Sh.T.Z. Bajram Begaj.

“Të dashur studentë,

Dëshiroj të shpreh urimet e mia më të ngrohta për të gjithë studentët që sot do të fillojnë vitin e ri akademik 2023-2024!

Për ju, të dashur studentë që uleni për herë të parë në auditore, sot është fillimi i një ndryshimi të madh: “Dita e parë e jetës universitare.”

Si student i dikurshëm e kujtoj ende fare mirë ditën e parë të mbushur me emocione, kureshtje dhe pasiguri. Prandaj i kuptoj shumë mirë ndjenjat dhe emocionet tuaja.

I kuptoj shumë mirë edhe ata të cilët janë drejt përfundimit të diplomës, kur mendojnë se çfarë duhet të bëjnë pas universitetit.

Një gjë është e sigurt, vendimet tuaja profesionale do të jenë e ardhmja jonë e përbashkët. Ndaj uroj  e besoj fort se kjo do të jetë e ardhmja që dëshironi. Ndërkohë, shfrytëzojeni mundësinë e artë për t’u shkolluar dhe dedikojuni arsimimit tuaj akademik.

Çdo ditë në auditore mendoni si të përfitoni sa më shumë dije. Punoni fort, studioni! Formësojeni veten dhe objektivat tuaja nëpërmjet punës për t’i arritur ato!

Guxoni të ëndërroni dhe shfrytëzoni mundësitë e shkollimit që realizimi i këtyre ëndrrave të jenë një realitet më i mirë i shoqërisë shqiptare në të ardhmen.

Në demokraci nuk ka rëndësi se nga vjen, por ku shkon. Objektivat tuaj afatgjatë, ndonjëherë mund t’ju duken shumë larg. Por çdo rrugë e gjatë nis me një hap të shkurtër. Hidheni hapin të sigurt.

Ne, si prindër dhe shoqëri, ju jemi borxhlinj sepse mbase nuk kemi bërë dot më të mirën, por kemi bërë më të mundshmen në rrethanat që u gjendëm dhe me aftësitë që kishim.

Lexo edhe :  Kuvendi Kombëtar Rinor i PS/ Rama: Shqipëria, më pranë BE

Tani është radha juaj, të nderuar studentë, kudo që ndodheni, ta merrni stafetën dhe të bëni nesër atë çka ne nuk arritëm ta bënim deri më sot.

Stafeve akademike i uroj gjithashtu një fillim të mbarë e të suksesshëm!
Përkushtojuni profesionit me pasion e mendjehapësi!
Nxisni të menduarin kritik dhe përshtatni metodat e mësimdhënies me ato të pedagogjive aktive!
Shpresa për një të ardhme më të mirë është në duart tuaja!
 
Suksese të gjithëve!”/   S.M

Të fundit

Danilo sulmon Juventusin: Nuk është më një familje, ndaj vuajnë

“Juventusi ishte ndoshta klubi më i rëndësishëm i karrierës sime. Kam ndërtuar një histori të mrekullueshme me tifozët, lojtarët...

Rrugorja nis aksion për lirimin e hapësirave publike nga parkimet e gabuara

Policia Rrugore e Tiranës ka marr një aksion për lirimin e hapësirave të zëna nga parkimet e gabuara, të cilat pengojnë lëvizjen dhe rrjedhshmërinë...

Psikologjia e aleksitimisë: çfarë është, kë ndikon dhe pse?

Alexitymia është një term që mund të mos e keni dëgjuar më parë. Por ai përshkruan diçka që shumë njerëz përjetojnë: vështirësi në identifikimin,...

Qentë me “uniformë blu”/ Kafshët që përgatiten për zbulimin e armëve, drogës dhe parave

“Kjo është Koda, një pastor gjerman. Koda është dy vjec, dhe është një nga dhjetëra qentë e institutit të përgatitjes së qenve të policisë...

Arrestimet e ish-ministrave nga SPAK, Rama: Ata që ishin deri një karrige larg nga unë…

Në Kuvendin Rinor të Partisë Socialiste, kryeministri dhe kryesocialisti Edi Rama, u ndal dhe te Reforma në Drejtësi. Sipas Ramës, kjo reformë, u bë për...

Lajme të tjera

Web TV