Për aludimet se në një video që po qarkullon në rrjetet sociale është Luana Vjollca, ka reaguar edhe aktori Florjan Binaj i cili shprehet se kjo është një këmbanë alarmi për të ardhmen e të gjitha vajzave, motrave, nënave, zonja e zonjushave që u rrezikohet dinjiteti, nderi, familja nga përdorimi i inteligjencës artificiale me dashakeqësinë për t’i bërë të ndihen keq.
Aktori shton më tej se duhet vepruar sa më shpejt, të përpilohet një kuadër ligjor dhe të miratohet ose do të mbetet vetëm të paguajmë dëmet e pakthyeshme me jetë njerëzish, ku fatkeqësisht vajzat janë viktimat e para të këtyre lloj mostrave.
Postimi i plotë:
”Para pak ditësh doli një video intime ku hamëndësohej që ishte një prej prezantueseve më të njohura dhe ndjekura të tv shqiptare…1 ditë më pas doli e njëjta video me portret tjetër…
Kjo është një këmbanë alarmi për të ardhmen e të gjitha vajzave, motrave, nënave, zonja e zonjushave që u rrezikohet dinjiteti nderi, familja, profesioni, jeta nga përdorimi i Inteligjencës Artificiale me dashakeqësinë për t’i bërë të ndihen keq, t’u kërkojnë para ose thjeshtë për t’i përbuzur publikisht!!!
Me kaq shumë perversa dhe manjakë që ka në qarkullim, programet e lira të inteligjencës artificiale që mund të shkarkohen në çdo celular, askush nuk është i mbrojtur nëse shteti nuk përpilon një ligj që çdo krijim, përdorim i inteligjencës artificiale të bëhet i dallueshëm me një mbishkrim (watermark) që të dallojë nga videot e vërteta dhe të dënohet me ligj keqpërdorimi i kësaj teknologjie, shoqëria jonë do pësojë goditjen dhe plagën më të madhe në historinë e saj!
Duhet vepruar sa më shpejt, të përpilohet një kuadër ligjor dhe të miratohet ose do të mbetet vetëm të paguajmë dëmet e pakthyeshme me jetë njerëzish, ku fatkeqësisht vajzat janë viktimat e para të këtyre lloj mostrave!!!”/ S.M
