Hovenier: SHBA e gatshme të këshillojë Kosovën për statutin e Asociacionit

113 563 lexime

124,178FansaPëlqeje

Ambasadori amerikan në Kosovë, Jeffrey Hovenier, ka deklaruar se Shtetet e Bashkuara janë të gatshme ta këshillojnë Kosovën në hartimin e statutit për Asociacionin e komunave me shumicë serbe.

Megjithatë, ai tha se kjo çështje është në duart e Bashkimit Evropian, si ndërmjetëse e dialogut mes Kosovës dhe Serbisë. Në një bashkëbisedim me gazetarët në ambasadë, Hovenier ka thënë se SHBA-ja do ta mirëpresë propozimin e Kosovës për këtë temë.

“Në fund, kjo çështje do t’i përkasë dialogut të ndërmjetësuar nga BE-ja. Por nëse Kosova dëshiron të konsultohet me ne, ose të tjerët, se si të vazhdojë përpara në mënyrën më të mirë, ne jemi të gatshëm ta këshillojmë”.

Ky është reagimi i parë i ambasadorit Hovenier për këtë çështje, pas deklaratës së presidentes së Kosovës, Vjosa Osmani ditë më parë se Kosova duhet të përgatisë draft-statutin për Asociacionin e komunave me shumicë serbe bashkë me Shtetet e Bashkuara.

Kosova dhe Serbia kanë arritur marrëveshje për Asociacionin më 2013 dhe më pas më 2015 mbi parimet për themelimin e tij. Po më 2015, Gjykata Kushtetuese e Kosovës ka gjetur se marrëveshja nuk është në harmoni të plotë me Kushtetutën.

Serbia kërkon që Kosova të zbatojë marrëveshjet e arritura, por qeveria e Kosovës është deklaruar kundër një asociacioni një-etnik. Së fundi, komuniteti ndërkombëtar e ka rritur presionin ndaj Kosovës duke kërkuar formimin e Asociacionit sa më shpejtë.

Diplomatët amerikanë kanë përsëritur vazhdimisht se Shtetet e Bashkuara besojnë se Asociacioni duhet të jetë plotësisht në përputhje me Kushtetutën e Kosovës./I.S

Të fundit

Rikthehen reshjet e dëborës/ Policia apel drejtuesve: Shmangni lëvizjet e panevojshme

Policia e Shtetit iu ka bërë thirrje drejtuesve të mjeteve që të tregojnë kujdes dhe të përdorin goma dimërore e...

Hetimi i politikanëve/ SPAK kërkoi 163 herë ndihmë juridike nga 32 vende të botës

Për të hetuar politikanët dhe prokurët e korruptuar, abuzimet me tenderat, apo fshehjen e pasurisë nga zyrtarë të vendit, Struktura e Posaçme (SPAK) ka...

Rama ndan videon e QSUT/ Ironizon Berishën me fjalët e tij: Flet vetë, gjykojeni vetë…

Kryeministri Edi Rama ka vazhduar me ironitë e tij ndaj Sali Berishës. Në një video të shpërndarë në rrjetet sociale, kreu i qeverisë ka publikuar disa...

Sëmundja e veshkave ju prish sferën s*ksuale, njihuni me kontrollet që duhet të bëni

Për të gjithë pacientët që kanë probleme me seksualitetin, fertilitetin dhe probleme të tjera të sferës seksuale, duhet të kryejnë menjëherë një vizitë te...

“6500 shqiptarë braktisën pasaportën”/ Si i komenton Milva Ekonomi shifrat shqetësuese

Ish-ministrja për Shtetin dhe Standardet e Qeverisjes, Milva Ekonomi u vendos në studion e “Off the Record” përballë shifrave, kokëforta duhet thënë sa i...

Lajme të tjera

Web TV