Studentët e mjekësisë kanë vendosur të rikthehen në auditore duke lënë protestat, pas takimit me rektorin e Univeristetit, Arben Gjata.
Studentët kanë vendosur t’i japin fund bojkotit, pasi deklaruan se Gjata u ka dhënë garanci se do t’i mbështesë. Gjata u ka pohuar se do t’i mbështesë deri në daljen e vendimit të Gjykatës, dhe se deri në atë kohë, nuk do të kenë kushtet për plotësim kontrate. Ndër të tjera, ata kanë kërkuar edhe me ministren e Arsimit, Ogerta Manastirliu për të diskutuar mbi kërkesat e tyre.
Kujtojmë se studentët e mjekësisë, për gati një muaj kanë bojkotuar mësimin dhe kanë protestuar kundër projektligjit që i detyron të punojnë 5 vite në vendin tonë, dhe më pas të tërheqin diplomën.
Studentët e Mjekësisë kanë dorëzuar në Gjykatën Kushtetuese padinë për ligjin e ri që iu mban peng diplomat me 5 vite punë në Shqipëri. Me rinisijen e vitit akademik, ata refuzuan të riktheheshin në Universitet duke nisur protestat kundër ligjit që i vendos mes dy zgjedhjeve./ S.M
