Familjet në Tiranë kanë të ardhura më të larta dhe si rrjedhojë edhe buxhet më të madh për të shpenzuar. Por në vitin që lamë pas, u evidentua një tendencë e re tek disa qytete.
Sipas të dhënave të Anketës për Buxhetin e Familjeve, të publikuara së fundmi nga INSTAT, raportohet se shpenzimet e një familje në Durrës vitin e kaluar u rritën me 7.1% në krahasim me vitin 2021, niveli më i lartë në rang vendi. Një familje në Durrës shpenzoi mesatarisht 83,473 lekë në vitin 2022 nga 77,925 lekë në vitin 2021.
Berati ishte i dyti për rritjen vjetore të shpenzimeve të familjeve më 2022 me 7%. Një familje në Berat shpenzoi mesatarisht 82,850 lekë çdo muaj në vitin 2022 nga 77,402 lekë në vitin 2021.
Më tej, Gjirokastra dhe Lezha shënuan rritje mesatare të shpenzimeve familjare përkatësisht me 6 dhe 5,6% secila për vitin 2022. Ndërkohë që në nivele të ulëta të shpenzimeve mujore qëndrojnë Dibra, Elbasani dhe Kukësi./ S.M
