Sekretari i Përgjithshëm i PS, Blendi Klosi gjatë mbledhjes së Asamblesë së Zgjeruar të PS-së në Durrës, është shprehur se ka patur diskutime me anëtarët e partisë dhe deklaruar se është krijuar një platformë që rienergjizon të gjithë strukturën e partisë.
Kjo platformë, shpjegoi Klosi, ka 7 shtylla kryesore dhe po bëhet me synimin që të përballojë garën e ardhshme dhe PS të fitojë sërish.
Ai theksoi se kjo platformë rienergjizimi do të bëjë strukturën të pathyeshme.
“Kemi përgatitur në konsultim me të gjithë anëtarët një platformë që synon rienergjizimin e gjithë strukturës së PS. Ajo që ne kemi në AND është fitorja dhe duam çdo herë të jemi fitues. Për të qenë fitues si strukturë ia kemi dalë të kuptojmë se çfarë rreh në zemrën e socialistëve.
Ne do të shpalosim një platfromë që synon rienergjizimin e PS për të përballur garën e ardhshme për fitoren e Ramës dhe PS.
Kemi përgatitur një platformë me 7 shtylla kryesore, ku do të prekim spektrin e partisë.
PS është e vetmja forcë politike e cila funksionon si e tillë nga një proces zgjedhor në tjetrin.
Platforma kërkon që çdo strukturë të ketë rienergjizim. Duke energjizuar organizatën socialiste do ia dalim të rienergjizojmë të gjithë hallkat e tjera dhe do arrijmë të ngrejmë një strukturë të pathyeshme në garën e ardhshme elektorale”, tha Klosi./ S.M
