Një studim gjenetik ka bërë të mundur gjetjen e disa rajoneve të ADN-së që lidhen me varësinë ndaj kanabisit, por edhe me kushte të tilla si skizofrenia.
Ata që përdorin kanabis kanë afërsisht një shans 10% për të zhvilluar varësi nga kjo substancë, një rrezik edhe më real nëse përdorimi i marihuanës fillon në adoleshencë ( të dhënat e CDC të SHBA ). Por ndër faktorët që kontribuojnë në pamundësinë për të ndaluar marrjen e kanabisit ka edhe një komponent gjenetik.
Një studim që analizoi më shumë se një milion gjenome ka identifikuar tani disa pjesë të ADN-së që duket se lidhen me varësinë ndaj kanabisit dhe që në të njëjtën kohë lidhen me patologjitë, si disa forma të kancerit dhe skizofrenisë . Hulumtimi, i botuar në Nature Genetics , mund të ketë implikime të rëndësishme në shëndetin publik.
MË SHUMË ASPEKTE NË LOJË. Disa kërkime në të kaluarën kishin gjetur tashmë një lidhje midis përdorimit problematik të kanabisit dhe disa formave të kancerit dhe çrregullimeve psikiatrike . Në të njëjtën kohë, dihet se gjenetika luan një rol të rëndësishëm në predispozimin e përdorimit të tepruar të marijuanës, por izolimi i këtij aspekti nga faktorët mjedisorë, dhe të kuptuarit se sa “peshë” ka secila pjesë, nuk është aspak e lehtë.
Një ekip kërkimor i udhëhequr nga Daniel Levey, një neuroshkencëtar në Universitetin Yale në New Haven, Connecticut, analizoi të dhënat gjenetike të marra nga bazat e të dhënave para-ekzistuese, veçanërisht Programi i miliona veteranëve të SHBA-së, për t’u fokusuar më mirë në komponentin gjenetik të abuzimit me drogën, kanabisin.
KANABIS DHE SKIZOFRENI. Përveç identifikimit të rajoneve të gjenomit të përfshirë, studimi gjeti një lidhje gjenetike të dyanshme midis përdorimit të tepruar të kanabisit dhe skizofrenisë, që do të thotë se të dy kushtet duket se ndikojnë njëra-tjetrën. Kjo nuk është asgjë e re, por një konfirmim i faktit se përdorimi i kanabisit është “faktori më i parandalueshëm i rrezikut për skizofreninë”, shpjegoi për Nature psikiatri Marta Di Forti nga King’s College në Londër.
PARANDALIMI. Zbulimi mund të përdoret për të identifikuar njerëzit më të rrezikuar nga zhvillimi i skizofrenisë në mesin e përdoruesve të kanabisit dhe për të kuptuar se cilët janë faktorët e rrezikut shëndetësor për përdorimin e kanabisit ose disa prej përbërësve të tij, si THC (tetrahydrocannabinol). Përshtatur nga Fokus.It/O.S
