Dervish Hasi, i cili ua arrestua nën dyshimin për trafikim të miturish dhe pornografi, ka ankimuar vendimin e Gjykatës Kushtetuese. Mësohet se mjeku ka kërkuar zbutjen e masës sigurisë, teksa më herët gjykata vendosi “arrest me burg” për të.
Mjeku kardiokirurg Dervish Hasi akuzohet se ka abuzuar seksualisht një 16-vjeçare, e po ashtu se e ka shfrytëzuar atë për pornografi. Ai e prezantonte të miturën si bashkëshorten e tij, teksa kishte edhe 3 gra të tjera. Poligaminë ai e justifikonte me faktin që ishte besimtar mysliman dhe feja ja lejonte të kishte më shumë se një bashkëshorte.
E mitura shkonte në shtëpinë e Hasit në intervale të shkurtra kohore, 3 deri në 4 ditë, ndërsa dyshohet se Hasi ka kryer marrëdhënie seksuale, me vajzën që ai është njohur që kur ajo ishte 14 vjeçe.
Hasi është një person i njohur për policinë, pasi ka qenë edhe i hetuar nga SPAK. Prokuroria e Posaçme kishte dyshime se mjeku ishte i përfshirë në grupin që furnizonte me tritol dhe armë snajper kriminelë brenda dhe jashtë vendit./O.S
