Të gjitha pritshmëritë e protestës së 20 shkurtit

113 563 lexime

124,178FansaPëlqeje

Protesta e 20 shkurtit që besohet se do të jetë ngjarja më e madhe që ka prodhuar PD që pas përfshirjes në krizë. Sa mbështetje reale ka PD, opozita dhe Sali Berisha? A është e unifikuar PD, apo me Gazmend Bardhin dhe deputetët e tij kemi vetëm një bashkim numrash? Cilët do të jenë liderët e të ardhmes së kësaj partie?

Nga ROLAND QAFOKU

 Sekretari i Shtetit Antony Blinken u largua dhe bashkë me analizën që çdo shqiptar thuri në mendjen e vet se çfarë solli vizita e tij, politika e Tiranës tashmë vijon në rrjedhën normale të një anormaliteti tipik shqiptar. Megjithatë, një ngjarje që pritet me jo pak interes. Protesta e nesërme e 20 shkurtit, për vetë rrethanat, pritet të jetë ngjarja më e madhe që ka prodhuar opozita të paktën që kur nisi kriza e rëndë në Partinë Demokratike dhe ndarja e saj në disa pjesë. Vetë drejtuesit e Rithemelimit po e reklamojnë protestën si “kulmin e një revolucioni” që do të rrëzojë qeverinë. Nuk besohet që kjo do të ndodhë, por më shumë se ato që thonë liderët e saj, kjo protestë është e shoqëruar me një sërë pritshmërish për opinionin publik. Janë disa arsye për këtë. Në kushtet që opozita është e përçarë e copëzuar dhe me Sali Berishën në izolim shtëpie, ajo merr vlerë për të parë disa tregues, mbi të gjitha fuqinë politike dhe ndikiminn që do të ketë ajo në jetën politike në Shqipëri.

Së pari, protesta e 20 shkurtit do të tregojë më kryesoren se sa mbështetje popullore ka aktualisht opozita. Në rast të një pjesëmarrjeje popullore do të ishte një avantazh shumë i madh për PD. Kjo do të tregonte potencialin dhe mbështetjen popullore të opozitës dhe rënien e mbështetësve të qeverisë. Por në rast të një pjesëmarrjeje të ulët do të ishte një dështim dhe do të tregonte mungesë mbështetje të opozitës dhe të synimeve të saj për të qenë alternativë qeverisëse. Dhe pjesëmarrje nuk do të thotë prezencë vetëm të anëtarësisë dhe strukturave të Partisë Demokratike dhe partive aleate, por të një mbështetje popullore veçanërisht të pjesës gri dhe pjesës intelektuale. Deri pak kohë më parë sondazhet tregonin se vërtetë ka një ulje të mbështetjes së mazhorancës qeverisëse në popull, por kjo nuk përkthehej në rritje të mbështetjes së opozitës. Protesta e nesërme do të tregojë nëse është rritur mbështetja ndaj opozitës dhe kjo merr shumë vlerë.

Së dyti, protesta e 20 shkurtit pritet të tregojë nëse PD është vërtetë e bashkuar apo ajo. Përtej ndasisë me Partinë Demokratike zyrtare të Lulzim Bashës, ajo që pritet me interes është mënyra se si do të funksionojë kjo protesë. Pjesëmarrje masive e të gjitha pjesëve në këtë protestë do të nënkuptojë një bashkim forcash dhe njerëzish, por më shumë se kaq arritja e një fryme pozitive. Ndryshe ajo do të tregonte se ai bashkim i grupit të Gazmend Bardhit me Rithemelimin ka qenë vetëm një bashkim mekanik numrash dhe jo një bashkim i sinqertë, i ndershëm dhe pa interesa. Kjo do ta ndërlikonte akoma më shumë situatën në këtë parti duke treguar se gjithëçka bëhet për interesa të vogla personale se sa për të ringritur një parti që prej kohësh po lëngon.

Së treti, protesta e 20 shkurtit do të tregojë se sa mbështetje reale ka në masën e njerëzve Sali Berisha. I ndodhur në arrest shtëpie që prej 30 dhjetorit të vitit të kaluar, rruga “Mustafa Matohiti” është kthyer në një peligrinazh të përditshëm të mbështetësve të tij. Nga dritarja e apartamentit ku banon, Berisha ka mbajtur fjalime kundër këtij vendimi dhe kundër qeverisë duke e cilësuar veten si një të burgosur politik. E vërteta është se jo vetëm numri i këtyre mbështetësve pritej të ishte shumë më i lartë, por pjesëmarrës në të ishin figura të rëndësishme të jetës politike në vend. Në fakt kjo nuk ka ndodhur. Protesta e nesërme pritet të tregojë për pjesëmarrjen, por edhe për mesazhet që do të jepen nw të se sa mbështetje popullore ka Sali Berisha me statusin juridik aktual. 20 shkurti do të tregojë njëkohësisht edhe mbështetjen popullore që ka Sali Berisha. I izoluar tashmë në shtëpi pas vendimit të Gjykatës së Posaçme Antikorrupsion, një nga tre politikanët më të rëndësishëm i këtyre 33 viteve gjendet në pozitën më të vështirë të tij. Protesta e 20 shkurtit do të jetë një test nëse ai ka mbështetje apo jo.

Së katëri, protesta e 20 shkurtit do të tregojë në një farë mënyre se cili do të jetë lidershipi i vërtetë i opozitës në kushtet kur Sali Berisha është në izolim. Ndonëse nuk thuhet publikisht, në underground tashmë ka nisur konkurenca se kush do të jetë drejtuesi i kësaj force politike. Gazmend Bardhi si kryetar i grupit parlamentar, Flamur Noka si sekretar i Përgjithshëm, janë dhe mbeten konkurentë për të ardhmen e kësaj partie. Por për drejtimin e partisë në kushtet e një bashkimi të plotë në horizont kanë dalë edhe figura të tjera. Të dhënat flasin se ka një përpjekje të inicuar edhe nga disa diplomatë të huaj që të gjejnë një figurë për drejtimin në ardhmen të PD duke përjashtuar Sali Berishën, Lulzim Bashën dhe Gazmend Bardhin. Mendohet se do të jetë një figurë bashkuese e paangazhuar deri tani politikisht por që ka autoritetin dhe kapacitet në profesionin e vet. Pikërisht kjo figurë pritet që të jetë edhe kandidat për kryeministër i opozitës në zgjedhjet parlamentare të vitit 2025. Bashkë me të, pritet të krijohet edhe një qeveri hije me figura bashkuese të PD por edhe të gjithë opozitës. Megjithatë deri tani gjithçka është në nivelin e negociatave.

Lexo edhe :  Profecia e Donald Lu-së: Pse janë tërbuar 'Al Capone'-t shqiptarë

Së pesti, protesta e 20 shkurtit do të tregojë gjithashtu nëse ka gjasa që Rithemelimi të bashkohet ose jo me pjesën tjetër të asaj që quhet Partia Demokratike zyrtare me kryetar Lulzim Bashën. Më shumë se një herë Sali Berisha dhe mbështetësit e tij kanë deklaruar se kërkojnë bashkimin e deputetëve të asaj partie me Rithemelimin duke përjashtuar Lulzim Bashën dhe Enkelejd Alibeaj. Të dhënat flasin se ka një përpjekje underground që synon që deputetët që kanë mbështetur Lulzim Bashën deri tani t’i atashohen pjesës tjetër të opozitës. Pjesëmarrja e tyre në protestë do të tregojë nëse kjo është rritur. Në të kundërt ajo do të tregojë se ky lloj bashkimi do të jetë tejet i vështirë. Nga ana tjetër kjo do të tregojë se çfarë lëvizje do të  bëjë vetë Basha dh çfarë qendrimi do të mbajë ai për protestën.

Së gjashti, protesta e 20 shkurtit do të tregojë shkallën e pakënaqësisë së popullit ndaj qeverisë. Në shtator mazhoranca socialiste futet në vitin e 12 qeverisës, ndërkohë që synon të marrë një mandat të katërt duke thyer rekordin e vet. Prej disa javësh Partia Socialiste pothuasje ka nisur fushatën e saj për zgjedhjet parlamentare të vitit tjetër dhe në këtë drejtim duket shumë më para se opozita. Pikërisht për këtë arsye, protesta e 20 shkurtit do të tregojë nëse vërtetë ka një frymë për ta rrëzuar këtë mazhorancë apo ajo do të vijojë të qeverisë e qetë dhe të arrijë të fitojë edhe një mandat të katërt.

Së shtati, protesta e 20 shkurtit do të tregojë nëse kjo opozitë ka apo jo mbështetje ndërkombëtare. Pritet me shumë interes qendrimi që do të mbajnë diplomatët e huaj në Tiranë, veçanërisht ata amerikanë. Një mbështetje prej tyre do të tregojë shumë për PD dhe opozitën, por një indiferencë dhe ndonjë deklaratë kundër do të ishte një goditje shumë e rëndë për opozitën. Realisht fakti që sekretari Antony Bliken gjatë vizitës së tij në Tiranë nuk takoi asnjë politikan të opozitës është një nga goditjet më të rënda që ka marrë kjo parti që nga themelimi i saj.

Së teti, protesta e 20 shkurtit do të tregojë nëse betejat e saj politike synon t’i fitojë në rrugë institucionale apo nëpërmjet dhunës. Nëse gjatë protestës do të ushtrohet dhunë ndaj policisë kjo do të ishte një shenjë shumë e keqe e mënyrës së funksionimit të kësaj opozite. Incidentet e fundit në parlament treguan se veprimet e dhunës nuk i mbështet populli.

Së nënti, protesa e 20 shkurtit do të tregojë shumë edhe për mënyrën se si do të funksionojë në të ardhmen Partia Demorkatrike dhe opozita në tërësi. Ishte me shumë vend deklarata e ish-deputetit Myslim Murrizi, i cili u shpreh se më e rëndësishme se 20 shkurti, është 21 shkurti, për mënyrën se si do të vijojë aksionet e veta politike kjo opozitë. Një protestë e suksesshme dhe me ndikim në masën e njerëzve do të krijojë një situatë që PD do të gjejë forma dhe mënyra për të vijuar aksionet politike. Por një protestë jo e suksesshme do të ishte një dështim i kauzave të opozitës dhe e ardhmja do të shoqërohej me shumë probleme që do ta dëmtonin atë edhe më shumë.

Së dhjeti, protesta e 20 shkurtit do të tregojë shumë edhe për raportet e opozitës me median. Të pozicionuar në dy llogore, shumë gazetarë dhe analistë në Shqipëri janë ndarë ngjashmërisht si forcat politike. Për hir të vërtetës mbështetja e medias ndaj opozitës ka qenë shumë e vakët. Kjo protestë do të tregojë se cila pjesë do të japë më shumë argumente dhe mbështetje ndaj opozitës apo e kundërta ndaj qeverisë. Protesta do të tregojë gjithashtu se sa e mbështet këtë opozitë edhe vetë komuniteti i medias si një element që tregon shumë.

 

 

Të fundit

Pse Mitsotakis kandidoi Belerin për eurodeputet? Mediat greke zbardhin prapaskenat

Një ditë pas publikimit të lajmit për kandidimin e Fredi Belerit nga partia “Demokracia e Re” për zgjedhjet europiane...

Olaf Scholz takohet me Xi Jinping, dy liderët bëjnë thirrje për bashkëpunim

Në fillim të takimit me kancelarin Scholz, presidenti kinez Xi Jinping bëri thirrje për bashkëpunim të ngushtë mes dy vendeve. Së bashku, ne mund...

Dumani hedh poshtë deklaratat e Ilir Metës: S’e kam njohur kurrë McGonigal!

Kreu i SPAK reagon lidhur me akuzat e forta nga ish presidenti Ilir Meta dje në një studio televizive. Unë nuk e kam takuar kurrë McGonigal. Gjithçka...

“Bypass-i” i Radhimës, gati në qershor/ Lehtëson ndjeshëm trafikun në sezonin turistik

Në prag të sezonit turistik ByPass i Radhimës do të hapet për qarkullimin e mjeteve. Ky investim është pjesë e rrugës Vlorë-Orikum, dhe ka një...

“Romeo nuk shkon në finale”/ Gazetari e thotë troç: Heidi është lojtare më e fortë

Ronaldo Sharka, ish-banor i ‘Big Brother VIP Albania’ ka bërë një analizë të lojës së deritanishme. Teksa ishte i ftuar mëngjesin e sotëm në...

Lajme të tjera

Web TV