Ndërsa ish-lideri demokrat Sali Berisha ndodhet në masën e sigurisë “arrest shtëpoie” për akuzën e korrupsionit pasiv në privatizimin e ish-kompleksit sportiv Partizani, zhvillimet në kampin e djathtë kanë qenë intensive.
Ish-sekretari i Përgjithshëm i PD-së zyrtare Gazmend Bardhi është kthyer si protagonist mu në “zemër” të PD-së së Berishës, pasi iku nga Basha dhe u kthye tek Grupi i Rithemelimit të PD-së së Berishës. Së fundmi Bardhi ka marrë përsipër negociatat me PS-në për të arritur marrëveshje në mënyrë që opozita të rikthehet jetës normale parelamentare pas 5 muajve kaos. Marrëvëshjet janë arritur, por me një kosto jo të vogël për PD-në e Berishës pas inga tre kërkesat kryesore I është plotësuar 20 % vetëm në një pikë dhe pjesa tjetër vijon të jetë si më parë.
Megjithatë opozita thotë se “Rama u detyrua të njohë PD-në e Berishës si faktor real politik opozitar, bashkë me faktorin ndërkombëtar”. Por arritja e një marrëveshje ka shkaktuar pakënaqësi brenda PD-së së Berishës nga një pjesë deputetësh, ku publikisht ka reaguar kundër dje Ervin Salianji. Edhe të tjerë janë skeptikë, por ende nuk mbajnë qëndrim publik, duke pritur më shumë nga sinjalet që do të japë Berisha, ndonëse aktiviteti politik i këtij të fundit është i cunguar vetëm me ndonjë fjalim nga ballkoni i banesës për një grup të vogël militantësh dhe mbështetësish të tij. Kryetari i Grupit të PD, Gazment Bardhi thotë se nuk ka asnjë marrëveshje me Edi Ramën, por një dialog politik në Kuvend për të rikthyer jetën parlamentare.
Pas mbledhjes së Grupit të PD, Bardhi tha se normalizimi i jetës parlamentare ka qenë dhe mbetet qëllim i opozitës. Bardhi theksoi se shumica e grupit të deputetëve kanë rënë dakord për qëndrimet që janë mbajtur një ditë më parë në Konferencën e Kryetarëve, ku me PS është rënë dakord për tre çështje kryesore. Deputeti i PD komentoi edhe reagimin e Ramës, i cili tha se “PS eshte tre hapa para”! “Sa për hapat e ftoj të numërojë hapat, do shkojë nga 3 në 2 në 1 dhe pastaj ai do shkojë në 3 hapa pas”, tha Bardhi.
“Pas mbledhjes së djeshme të Konferencës së Kryetarëve sot kam informuar grupin për atë që është rënë dakord për përmbushjen e tre shqetësimeve të opozitës dhe grupi ka mbështetur qëndrimin që përfaqësuesit e vet duke nisur nga kryetari i grupit dhe secili prej anëtarëve ka mbajtur në konferencën e kryetarëve. Për ne normalizimi i jetës parlamentare ka qenë dhe mbetet qëllim i joni, por sigurisht pa u nënshtruar apo pa tejkaluar nevojën që ka Shqipëria për respektimin e kushtetues. Ne kemi rënë dakord në parim, është duke u punuar për të finalizuar këtë dakordësi. Ajo dakordësi të përkthehet në vendimmarrje të Kuvendit. Jemi duke punuar për tre çështjet që ramë dakord dhe PD i qëndron dakordësisë. Secili është i lirë të shprehë mendimin, Salianji ka shprehur mendimin e tij, nuk kam koment. Grupi i PD ndoshta ndonjë zë kundër, por pjesa më e madhe ka mbështetur qëndrimin. Nuk ka asnjë marrëveshje me Ramën, ka një dialog në konferencën e kryetrarëve për ti dhënë zgjidhje situatës në Kuvend. Ka një dialog politik normal që palët të gjejnë zgjidhje. Në këtë rast ka gjetur një dakordesi mes palëve. Sa për hapat e ftoj të numërojë hapat, do shkojë nga 3 në 2 në 1 dhe pastaj ai do shkojë në 3 hapa pas”, tha Bardhi.
Bardhi: Do të dorëzoj një kallëzim ndaj Ramës
Nga tetë komisione hetimore të kërkuara nga opozita, PS i ka ofruar vetëm dy, duke u rrëzuar kërkesën për të hetuar “udhëtimet çarter” të kryeministrit dhe lejet e qeverisë për “investitorët strategjikë”. Që të dyka këto komisione hetimore kishin për qëllin nga opozita që të atakonin drejtëpërdrejtë Ramën, por anjë prej tyre nuk do të realizohet. Kreu i Grupit parlamentar të Rithemelimit, Gazment Bardhi, ka deklaruar se ditën e sotme do të dorëzojë në SPAK një kallëzim ndaj kryeministrit Edi Rama. Ai u shpreh se Rama do të hetohet në Parlament,. Ndërsa e quajti atë një kundërshtar të çdo shqiptari. “Ligji për komisionet hetimore është anti kushtetues. Në asnjë rast nuk e kam quajtur ligj të mirë. Hetimi parlamentar është çështje vullneti politik. Nëse mazhoranca do të bllokojë hetimet e ka bërë edhe më parë me ligjin e vjetër. Kryeministri do të hetohet në Parlament siç është në hetim nga drejtësia për cështje të caktura. Ai është kundërshtar i çdo shqiptari të ndershëm. Normalizimi i jetës parlamentare është çështje brenda parlamentit por nuk ndryshon asgjë nga aksioni jashtë Parlamentit”-tha Bardhi./kb
