Erjola Muka, drejtoreshA e Përgjithshme e Politikave dhe Zhvillimit të Infrastrukturës dhe Territorit ka zbuluar detaje nga projekti për ndërtimin e hekurudhës Vorë – Hani i Hotit.
Muka tregoi se hekurudha do të lidhë Shqipërinë me Malin e Zi, duke kaluar në Tuz e Podgodricë, për të shkuar më pas në Beograd, Zagreb, Lubjanë e deri në Budapest.
“Është e vetmja linjë ndërkombëtare që vendi ka le të themi për transportin e pasagjerëve dhe mallrave, që para viteve ’90.
Lidh Shqipërinë me Malin e Zi përmes stacionit të Tuzit për të vijuar pastaj në Podgoricë dhe lidhjen me kryeqytete e tjera së asaj pjese të Rajonit siç është Beogradi, Zagrebi, Lubjana e deri në Budapest”, u shpreh ajo.
Hekurudha Vorë – Hani i Hotit do të jetë elektrike dhe trenat në të do mund të lëvizin me shpejtësi deri në 120 kilometër në orë.
Linja hekurudhore pritet të përbëhet nga 12 stacione, 12 ura dhe një tunel të gjatë 320 metër dhe deri në Vorë rruga do të zgjasë rreth 2 orë.
Ajo do të jetë 120 kilometra, kalon në shtatë bashki dhe përshkon Ultësirën Perëndimore të Shqipërisë, me drejtim nga Jugu në Veri. Hekurudha lidh qendrat urbane të Vorës, Mamurrasit, Laçit, Milotit, Lezhës, Shkodrës dhe Koplikut.
Hekurudha parashikohet të përfundojë në vitin 2030./E.T